Job 32:1 - Hawaii Pidgin Bible

¹ So dese three guys no like talk no mo wit Job. Cuz da way Job see um, he ony do wass right!

Job 32:1 ပူးပေါင်းရင်းမြစ်များ

Job 10:2

I goin tell God: ‘I like fo you no jus tell, I wen do wrong! Tell me, how come you still poin finga me?!

Job 10:7

You do dat, no matta you know dat I no mo da blame, But no mo nobody can get me outa yoa powa!

Job 13:15

Maybe God goin kill me! Maybe I no mo notting fo wait fo! Still yet, I goin show proof in front him, how come I live da way I live.

Job 13:18

Look, I stay ready fo tell how come I stay right. Fo shua God goin tell me I okay!

Job 15:5

Cuz da bad kine stuff you do, Az why you talk lidat, Da way sneaky kine peopo talk.

Job 22:5

Nah! All dis gotta be, cuz you do plenny bad kine stuff! Fo shua, you stay do wass wrong an you no can stop!

Job 23:7

I stay do da right kine stuff. Az why I can tell him how come I do wat I do. An God my Judge goin tell I no do notting wrong, Az why I no need go back to him no moa.

Job 33:8

“But you wen tell dis, An I hear eryting you tell:

Job 33:9

‘Me, I stay clean an no do notting bad. I no mo da blame fo notting.

Job 40:8

“You tink az fo real dat I no judge da right way, o wat? You goin tell I get da blame fo you show proof you right?

Job 6:29

Back off! No judge da wrong way! Tink one mo time, cuz you guys make jalike I do someting wrong, No matta I ony do wass right!