Job 3:5 - Hawaii Pidgin Bible

⁵ I like da shadows an da dark take ova dat day. I like da clouds come down on top um. An da black clouds take ova da light.

Job 3:5 ပူးပေါင်းရင်းမြစ်များ

Job 16:16

I cry plenny, so my face come all red. I get dark circle aroun my eyes.

Job 24:17

Dey all like da real dark nite, Cuz fo dem, az jalike morning time fo go work. Dey all know bout da skery kine stuff dat happen wen real dark!

Job 28:3

Wen peopo take light inside da dark mines, No stay dark no moa. Dey look inside da mos far places down dea. Dey look fo da right kine stones inside da mos dark places.

Job 3:4

I like erybody foget bout dat dark day. I like even God in da sky foget dat day eva happen. I no like da light start fo shine dat day.

Job 3:6

I like da mo dark kine stuff take ova dat nite. No count um wit da odda days inside da year. An no count um wit any month.

Job 34:22

Da peopo dat make trouble no can hide In dark places, o unda dark shadows.

Job 38:17

Somebody wen show you da gates fo da Mahke Peopo Place, o wat? You wen see da gates fo go inside da dark shadows wea da mahke peopo stay, o wat?

Songs 107:10

Some a dem stay inside real dark places Fo dem mahke. Dey prisonas dat stay suffa Cuz dey all tie up wit iron chain.

Songs 107:14

God bring dem outa da real dark places. He broke da chains dat stay tie um up.

Songs 23:4

God, even if I go thru One real dark valley Wea can mahke dea, I no goin come sked Dat someting bad goin happen, Cuz you stay wit me. You carry one club Fo get me outa trouble, An one stick fo walk Fo show me wea fo go. An dat make me no worries Cuz eryting goin be okay.

Songs 44:19

Cuz jalike you wen bus up us guys An leave us inside one place Wea ony get wild dogs. Jalike you wen make eryting Dark aroun us.

Isaiah 9:2

Da peopo dat donno wat fo do, Jalike dey stay walk aroun inside one dark place, Dey goin know wat fo do, Cuz jalike dey see one big light. Da peopo dat live inside da place Wea erybody stay sked dey goin mahke, Da light stay come dea awready.

Jeremiah 13:16

Tell erybody right now Dat yoa God, Da One In Charge, stay awesome. Cuz if you wait, Da One In Charge goin make you guys come bum out, Jalike he goin make eryting come dark fo you, An jalike he make you guys trip an fall down on top da mountains Wen come litto mo dark. You guys stay wait fo light come, But Da One In Charge goin make eryting come real dark Jalike you stay inside one skery big black cloud.

Jeremiah 2:6

Dey neva even tink fo aks, ‘Wea Da One In Charge stay, Da One dat wen bring us guys hea outa Egypt? He da One wen bring us guys thru da boonies Wea up country eryting dry, An get plenny gulch wea no mo watta, An get real dark kine place wea can mahke. Wea no mo nobody go thru dea, An no mo nobody live ova dea.’

Jeremiah 4:28

Az why da peopo all ova da world goin stay sad inside, An da sky up dea goin come dark. Cuz I awready wen tell wat I make one plan fo do, An I no goin change my mind an do someting diffren.”

Ezekiel 30:3

Cuz da day stay nea Da time wen Da One In Charge goin take ova. Goin get real cloudy dat time. Cuz time awready fo wipe out da diffren peopos.

Ezekiel 34:12

Jalike one sheep guy figga how fo take kea his sheeps dat wen scatta, an now he stay wit um, az how I goin take kea my sheeps. I goin get um outa all da place wea dey wen scatta on one day wen get plenny clouds an stay dark.

Joel 2:2

Goin be one dark an sad time. Goin get plenny black clouds. One big an strong army goin come, Jalike wen da light spread out morning time ova da mountains. No mo nobody eva see dat kine befo time, An not goin happen one mo time, Fo all da years an generations.

Amos 5:8

“God, he da One wen make da stars— Da Pleiades an Orion stars, He change da real dark time an make um come morning time, He change da day time an make um come dark fo nite time. He tell da watta fo come up outa da ocean fo make rain clouds, Den he pour um out on top da groun. Da Boss, Da One In Charge, dass his name, cuz dass who him!

Amos 8:10

Wen you guys make one religious kine ceremony dat make you feel good, I goin change um an make you guys come sad. Wen you guys sing, I goin make you guys sing one sad kine song. I goin make erybody stay sad inside An wear burmbag kine cloth An shave bolohead fo show dey stay sad inside. Goin be jalike wen da faddah-muddah guys come sad Cuz dea one an ony boy mahke. Dat time, goin be jalike eryting taste real bad, till da end.”

Matthew 4:16

Da peopo ova dea dat stay inside da dark, Dey see one big light now. An all da guys dat stay In da dark place wea peopo goin mahke, Da light come fo dem.”

Luke 1:79

Da peopo dat stay do bad kine stuff, Jalike dey stay live inside da dark an no can see notting, An dey goin mahke inside, God goin help dem fo know da trut. Den us guys goin see da right way, An den notting goin bodda us guys.”

Rules Secon Time 4:11

You guys wen come nea an stan down side a da mountain, an all dat time da mountain stay burn wit fire an go all da way up to da sky. Get black clouds an stay real dark.

Hebrews 12:18

But da way God make da New Deal fo you guys, dass not jalike da way he make da firs deal. Cuz dat time, da Israel peopo come by Mount Sinai dat get da burning fire an storm on top, an was real black an dark all aroun.