Job 27:9 - Hawaii Pidgin Bible

⁹ You tink God goin lissen Wen dey yell fo help cuz dey get real hard time? No ways!

Job 27:9 ပူးပေါင်းရင်းမြစ်များ

Songs 109:7

Wen dat guy go in front da judge, Make da judge punish him! Wen da guy pray, Go make wat he tell Show he bad!

Songs 18:41

Dey yell fo somebody help dem, But no mo nobody get um outa trouble. Eh! You Da One In Charge! Dey even wen yell fo you help dem, But you no do notting fo dem.

Songs 18:42

I wen poun um an make um jalike powda, Jalike dus dat da wind blow aroun. I go sweep um outside, jalike dey dirt.

Songs 66:18

Even if I wen like do someting Ony litto bit bad, My Boss no goin lissen me.

Smart Guys 1:27

Dat time, you guys goin get real sked an you no can handle, jalike you inside one hurricane, An wen you get all bus up, goin blow you guys away jalike da hurricane wind, An you guys goin come all stress out cuz you no can do notting, An you goin get wipe out cuz a all da tings dat give you plenny presha.”

Smart Guys 1:28

She tell: “Dem guys, let um try yell fo me help dem, I no goin lissen! No matta dey try hard fo find me, Dey no goin find me.

Smart Guys 28:9

Wen somebody make deaf ear An no lissen da Rules from God, Wen da guy pray to God, God goin tell, “Bummahs! No good, wat you tell me!”

Isaiah 1:15

Wen you guys put up yoa hands fo pray to me I goin look da odda way. No matta you pray long time, I no goin lissen. Yoa hands stay dirty all ova From da blood a da peopo you wen kill.

Jeremiah 11:11

Az why dis wat me, Da One In Charge, tell: ‘I goin make one real bad kine ting happen to dem, an dey no goin get outa dat. Dey goin yell fo me help um, but I no goin lissen.

Jeremiah 14:12

No matta dey skip food wen dey pray, I no goin lissen wat dey yell to me fo do. No matta dey make burn up kine sacrifices an wheat an barley kine sacrifices, I had it wit wat dey stay do. I goin be da One dat goin wipe dem out cuz a da war, an cuz dey no mo food, an cuz a da real bad kine sick.”

Ezekiel 8:18

So same ting. Me, Da One In Charge, I real huhu. I goin show how huhu I stay wit dem. I no goin pity dem. I no goin hold back. No matta dey yell loud, I no goin lissen dem.”

Hosea 7:14

Dey no call me wit one good heart. Dey ony lay on top dea beds an cry loud. Dey cut dea body Fo odda gods give um wheat an barley an new wine, But dey tell ‘Laytas’ to me!

Micah 3:4

Bumbye, dose leada guys goin yell real loud Fo Da One In Charge help dem. But he no goin ansa dem! Dat time he goin hide his face from dem guys, Cuz a all da bad kine stuff dey wen do.”

Zekariah 7:13

Den Da One In Charge, Da God Ova All Da Armies, tell, “I wen call dem, but dey no lissen. So wen dey goin call me, I no goin lissen!

Luke 13:25

God jalike one house owna dat eat, den go lock da door fo go sleep. Den you guys goin stan outside an start fo knock da door an tell, ‘Eh Boss, try open da door fo us!’ But he goin tell you guys, ‘I donno who you guys o wea you guys come from!’

John 9:31

An da guy tell dis too, “Eh! we know dat God no lissen da bad kine guys. But he lissen da guys dat get respeck fo him an do wat he like.”

Rules Secon Time 1:45

Den you guys come back cry in front Da One In Charge. But he no lissen wen you guys cry, he ony make deaf ear to you guys.

James 4:3

Yeah, you aks fo um, but still yet you no get um, cuz inside you no stay right. Da kine stuff you stay aks fo, az ony fo make you feel good, az why.