Job 24:4 - Hawaii Pidgin Bible

⁴ Dey push off da road da peopo dat need kokua. You know da peopo inside da land dat no mo notting, aah? Dese guys make all dem go hide!

Job 24:4 ပူးပေါင်းရင်းမြစ်များ

Job 24:14

Da killa guys get up wen firs come litto bit light, Fo dem kill da peopo dat no mo notting an need plenny. Nite time, dey go out jalike da steala guys.

Job 29:12

Cuz I wen get da peopo dat no mo notting outa trouble Wen dey yell fo help. An I help da kids dat no mo faddah fo help dem.

Job 29:16

I was jalike one faddah fo da peopo dat no mo notting. I wen find out wat was da trut, Even fo peopo I donno dat gotta go in front da judge.

Job 30:25

I wen cry fo da peopo dat get hard time erytime. I wen stay sad inside fo da peopo dat no mo notting.

Job 31:16

“If I neva help da peopo dat no mo notting, O if I neva make da widows tink I no goin help dem,

Job 31:19

If I see somebody dying cuz dey no mo clotheses, O if I see one guy need stuff an no mo clotheses,

Songs 109:16

Cuz dose peopo, dey no tink Fo do good tings fo nobody. Dey chase an chase da peopo Dat no mo notting An da peopo dat stay sad inside, Till dey kill um.

Songs 41:1

Whoeva tink plenny Bout how fo help da peopo Dat no mo notting, Dey can stay good inside! Da One In Charge, goin help dem Wen bad tings happen to dem!

Smart Guys 14:31

Wen somebody put presha On da peopo dat no mo notting Fo take dea stuff, Dass jalike he talk bad Bout da One dat make dem. Wen somebody show pity Fo da peopo dat need help He show he get respeck fo God.

Smart Guys 22:16

Wen somebody presha da peopo dat no mo notting Fo him come rich from dem, Dat guy bumbye no goin get notting! O he give one nice present to da rich peopo, Fo make him come rich, Same ting, he no goin get notting.

Smart Guys 28:12

Wen eryting come out good Fo da peopo dat stay do wass right, Erybody tink, “Eh, dass awesome!” But wen da bad kine peopo stay in charge, Da peopo go hide.

Smart Guys 28:28

Wen da bad guys stay in charge, Erybody go hide. Wen da bad guys come wipe out, Get mo plenny peopo dat stay do wass right.

Smart Guys 30:14

An dat kine peopo, Dey like wipe out da peopo dat no mo powa From all ova da world. Dey like wipe out da peopo dat need help So dey no need help um an dey go way. Dey jalike one wild animal Dat get sharp teets, jalike one sword o knife!

Isaiah 10:2

Dey make da peopo dat no mo notting Fo no get help from da judge. Dey take away da rights From my peopo wen dey get hard time. Dey steal stuffs from da widows An da kids dat no mo faddah o muddah.

Ezekiel 18:12

He do bad kine tings to da peopo dat no mo notting, az da ones dat need help. He rip off peopo too. Wen he loan money an keep someting da odda guy own fo make shua da guy pay um back, den wen da odda guy pay wat he owe, dis guy no give back da ting right den an dea. He trus da idol kine gods. He do pilau kine stuff.

Ezekiel 18:18

But his faddah goin get cut off ony fo da bad kine stuff he wen do cuz he get plenny extra money from wat he wen loan. He rip off his braddah, an do da wrong kine ting to his peopo.

Ezekiel 22:29

Da peopo inside da land put presha on top da peopo dat no mo notting. Dey rip off da ones dat need help. Dey make any kine to da peopo dat no stay from Jerusalem. Dey do tings to dem dat no stay pono.

Amos 2:7

Da guy dat not strong, You Israel peopo push his face inside da dirt. Da guys dat get presha on top dem, You Israel peopo ack jalike dey no mo rights. Da faddah an his boy, dey go sleep wit da same girl. Cuz a all dat, peopo talk bad bout me, An I da One dass good an spesho, you know!

Amos 4:1

Amos tell dis too: “Eh! You Samaria wahines! Lissen up! You guys jalike da fat cows from Bashan Dat eat grass on top da hills Samaria side! You wahines give hard time to da peopo dat no mo powa An you make any kine to da peopo dat no mo notting. You guys erytime tell yoa husban, ‘Bring mo booze!’