Job 22:9 - Hawaii Pidgin Bible

⁹ You sen da widows away an no give um notting. Wen da kids dat no mo faddah go by you, dey lose fight.

Job 22:9 ပူးပေါင်းရင်းမြစ်များ

Job 24:21

I like fo dem marry wahines dat no can get kids, An afta dey mahke, I like fo dem no can leave notting good fo dea widows.

Job 24:3

Dey take away da donkey from da kids Dat no mo faddah o muddah. Wen one widow borrow money, Dey take her cow fo make shua she goin pay um back.

Job 31:21

If I wen put up my hand fo vote agains da kids dat no mo faddah, Cuz I know da odda leada guys goin stay my side if I no help da kids,

Job 6:27

You guys, da kine dat even throw dice Fo buy kids dat no mo faddah fo make um come yoa slaves. You trade yoa frenz fo all kine stuffs cuz you no give a rip.

Songs 10:15

Go take away da powa Dat da bad peopo get. Den, wen you pay um back Fo da bad tings dey do, You no goin let um go till dey all come wipe out.

Songs 37:17

Cuz Da One In Charge, He goin broke da bad guys arms, But he goin help da guys Dat do wass right.

Songs 94:6

Dey kill widows An peopo from anodda place. Dey wipe out da kids Dat no mo faddah o muddah.

Isaiah 1:17

Learn how fo do wass good. Go all out fo do wass right. Kokua da peopo dat need help Fo da bad tings da bad guys do to dem. Da kids dat no mo faddah o muddah, help dem. Talk in court fo help da widow wahines.”

Isaiah 1:23

Yoa leada guys, dey go agains me. Dey hang aroun wit steala guys. Dey all like get unda da table kine money Fo eryting dey do. Dey no make jalike one good judge Fo kokua da kids dat no mo faddah o muddah. Dey no even tink notting Bout kokua da widow wahines.

Isaiah 10:2

Dey make da peopo dat no mo notting Fo no get help from da judge. Dey take away da rights From my peopo wen dey get hard time. Dey steal stuffs from da widows An da kids dat no mo faddah o muddah.

Jeremiah 48:25

Us Moab peopo, not strong no moa! Us no mo powa fo fight!’ ” Az wat Da One In Charge tell.

Ezekiel 22:7

Da peopo in yoa town no mo respeck fo dea faddahs an muddahs. Dey put presha on top da peopo from anodda place. Dey do bad tings to da peopo dat no mo faddah o muddah, an to da wahines dat no mo husban.

Ezekiel 30:22

Az why me Da One In Charge, da Boss, tell dis: I like beef Pharaoh, da Egypt king. I goin broke his two arms, da good arm an da one dat stay broke awready. Az how I goin make da sword fall outa his hand.

Malakai 3:5

Da One In Charge Ova All Da Armies tell dis too: “I goin go by you guys in front da judge right den an dea, I goin tell da judge wat I know bout you guys, Bout da ones dat make kahuna kine ceremony, An da ones dat fool aroun behind dea wife o husban back, An da ones dat make one strong promise but dey bulai, An da ones dat make trouble fo dea worka guys cuz dey no like pay um, An make trouble fo da widows an da kids dat no mo faddah o muddah, An da ones dat give one hard time to da peopo from anodda place. All dose peopo, dey no sked me!”

Matthew 23:14

“Wassamatta you guys?! You teacha guys dat teach da Rules From God an you Pharisee guys, you guys goin get it! You guys tell one ting an do anodda. You guys no mo shame fo trick da widows an take away dea house, an same time you guys stay pray an stay tell plenny stuff, so nobody tink you guys stay rip off da widows. God goin punish you guys mo den da odda guys.

Rules Secon Time 27:19

“Da Levi guys goin tell dem: ‘God goin punish whoeva no make right in front da judge to one guy from some odda place, one kid dat no mo faddah o muddah, o one wahine dat no mo husban.’ “All da peopo goin tell: ‘Az right!’