Job 22:8 - Hawaii Pidgin Bible

⁸ Jalike peopo tell: ‘Anybody get powa, dey own da land, Dass wea da importan peopo live.’

Job 22:8 ပူးပေါင်းရင်းမြစ်များ

Isaiah 9:15

(You know, dea older leadas an da ones dey get respeck fo, Dey jalike da head. Da guys dat tell dey talk fo God, but dey bulai peopo wen dey teach, Dey jalike da tail.)

Micah 7:3

Fo do bad kine stuff, dey go all out! Da alii guys aks fo gifs fo make dem come rich. Da judge guys aks fo unda da table kine money fo do dea job. Da importan guys tell wat dey like erytime. Dey all make plan togedda fo do um.

Isaiah 3:3

All da army captains, All da odda kine importan peopo, All da akamai guys dat tell da peopo wat fo do, All da guys dat get da smarts fo make real nice tings wit dea hands, An all da guys dat undastan how fo make magic.

Songs 12:8

Cuz you know, weneva da peopo make tantaran, An ack jalike all da pilau kine stuff good fo do, Den da no good kine guys No shame go all ova da place.

Job 31:34

You tink I hide wat I do, an stay sked an shaking Wen erybody make big noise bout me?! No ways! You tink I stay sked, cuz my ohana guys tink I no good, So den I no tell notting, an no go outside my house?! Not even! I no make lidat, eva!

Job 13:8

You guys goin make nice nice to him fo him goin do wat you like, o wat?! You guys goin make jalike lawyas fo him, o wat?!

Job 9:24

Wen da guys dat do bad kine stuff take ova one land, God cova up da judge guys eyes. If az not da One dat make lidat, Den who do um?!

Job 12:19

He lead away da pries guys. An he take dem away barefeet cuz dey prisonas too. He ovathrow da guys dat get powa from long time.