Job 22:7 - Hawaii Pidgin Bible

⁷ Mo like you neva give watta to peopo dat stay thirsty. You hold back food from da hungry peopo.

Job 22:7 ပူးပေါင်းရင်းမြစ်များ

Job 31:16

“If I neva help da peopo dat no mo notting, O if I neva make da widows tink I no goin help dem,

Job 31:17

If I wen stash my food ony fo me, An neva give um to da kids dat no mo faddah— Az not right!

Job 31:31

My ohana guys neva tell, ‘No mo enuff fo eat, inside Job house,’

Songs 112:9

Da good kine peopo Stay give good kine stuff To da pooa peopo all ova da place. An cuz dey do da right ting erytime, Good tings goin happen to dem foeva. Peopo goin respeck dem, An cuz a dat, dey goin come Mo an mo strong.

Smart Guys 19:17

You do good kine stuff Fo da peopo dat no mo notting, Jalike you stay lend stuff to Da One In Charge. An Da One In Charge goin pay you back wit good kine stuff Fo wat you do.

Isaiah 58:10

An you guys betta go all out Fo help da hungry peopo, An take good kea da peopo dat get hard time! Den, if you guys make lidat, Peopo goin get life, No matta get bad kine stuff happen all aroun. Jalike you guys stay give one light dat shine Wen eryting stay dark, Fo make da dark places get light all ova, Jalike noon time!

Isaiah 58:7

Wen you guys no eat food so you can pray, Share yoa food wit da hungry peopo! Da peopo dat no mo notting an homeless, Bring um wea dey can live! Wen you see peopo dat no mo clotheses, Give um clotheses! An no go hide Wen yoa ohana guys need fo you help um!

Ezekiel 18:16

He no do bad kine tings to nobody. Wen he loan money, he no keep someting da odda guy own fo make shua da odda guy pay um back. He no loan money fo him get plenny mo money back, o take extra money on top dis. He no rip off nobody. He share his food wit da guy dat stay hungry. He share clotheses wit da guy dat no mo clotheses.

Ezekiel 18:7

Dat kine guy no put presha on top nobody. An wen he loan money an keep someting da odda guy own fo make shua da guy goin pay um back, den, wen da odda guy pay wat he owe, da guy dat wen loan um, he give back da ting right den an dea. He no rip off nobody. He share his food wit da guy dat stay hungry. He share clotheses wit da naked guy.

Matthew 25:42

You goin go dea cuz wen I was hungry you guys neva give me food. Wen I was thirsty you guys neva give me notting fo drink.

Rome 12:20

So mo betta ack jalike da Bible tell from befo time: “Da guy dat hate you— If he hungry, give um someting fo eat. If he thirsty, give um someting fo drink. If you do dat, he goin come all shame.”