Job 22:3 - Hawaii Pidgin Bible

³ You tink you goin make Da God Dat Get All Da Powa feel good inside, Jus cuz you do da right ting? If da way you live, you no mo blame fo notting, Wat dat do fo him, aah?

Job 22:3 ပူးပေါင်းရင်းမြစ်များ

1 Records 29:17

My God, I know fo shua dat you da One tes eryting us guys tink. I know fo shua dat you stay good inside wen us guys do wass right. I wen give all dis stuff cuz I like give um fo real kine. An now I stay good inside cuz I see yoa peopo dat stay hea, giving you plenny stuff cuz dey like give um.

Job 21:15

Who dis God Dat Get All Da Powa, aah? Dat us gotta work fo him?! Wat good ting goin happen to us guys If us aks him fo help us?’

Job 22:2

“Eh Job! You tink one guy can help God, o wat? You tink God can use one guy dat undastan stuff, o wat?

Job 22:4

“You tink he punish you cuz you get choke respeck fo him, o wat? An he judge you fo dat?

Job 34:9

Cuz Job tink, ‘Wase time, Fo try make God stay good inside bout one guy.’

Job 35:7

If you do wass right, how dat help him? O wat he get from you? Notting!

Songs 119:59

I tink plenny bout da way I do stuff. Az why I change wat I stay do Fo no foget da tings you wen teach.

Songs 39:1

Dis wat I wen tell: “I goin watch how I live, So I no tell bad kine stuff. I goin make shua I shut my mout Weneva get peopo nea me Dat stay do bad kine stuff.”

Smart Guys 11:1

Wen somebody make da scale go off fo cheat peopo, Dat kine make Da One In Charge sick! But wen dey get da weight right, Dass wat he like.

Smart Guys 11:20

Da One In Charge feel jalike he sick, wen he tink bout Da kine peopo dat like do any kine pilau stuff. He feel real good inside wen he tink bout Da kine peopo dat no do notting bad.

Smart Guys 12:22

Da peopo dat bulai erytime dey talk, Dat kine stuff, Da One In Charge tell “Laytas” to. Da kine peopo dat he can trus wat dey do, Dat make him real happy.

Smart Guys 15:8

Wen da bad kine peopo Make sacrifice fo God, God tink, dat kine sacrifice stay pilau. Wen da good kine peopo pray, Dass wat God like.

Smart Guys 9:12

If you like know mo bout wat fo do, You da one goin get all da good stuff cuz a dat. But if you talk jalike dey stupid To da guys dat know wat fo do, You da ony one dat goin suffa cuz a dat!

Malakai 2:17

You guys, you talk too much, you make Da One In Charge real tired! An you tell, “How us guys make God tired?” Az cuz you tell, weneva you do bad kine stuff, Da One In Charge tink you good, an he stay good inside cuz a wat you do. Az why you guys tell, “You tink God goin judge us? No way!”

Jesus Guys 24:16

So, I try fo do eryting God like me fo do, an fo know I stay do wass right in front God an da peopo.

2 Corint 7:1

My frenz, we get all dis stuff God wen promise us. Dass why us guys gotta clean out all da bad kine stuff dat make us pilau inside o outside, an go all out fo come clean an spesho fo God fo real kine, cuz we get real plenny respeck fo him jalike we sked him.

Philippi 4:18

Me, I get eryting I need, an mo plenny still yet. I get enuff cuz a all da gifs you guys give Epafroditus fo give me. God like wat you guys wen do. Dass jalike da kine sacrifice dat smell real nice to him.