Job 2:7 - Hawaii Pidgin Bible

⁷ So Da One Dat Stay Agains God go out from in front Da One In Charge. He give Job boils dat hurt real bad from da bottom a his feets to da top a his head.

Job 2:7 ပူးပေါင်းရင်းမြစ်များ

2 Samuel 14:25

Inside all da Israel land, no mo nobody da peopo talk good bout mo den Absalom, cuz he stay real good looking. From da top a his head to da bottom a his feets, no mo notting wrong wit him.

1 Kings 22:22

“Da spirit tell, ‘I goin go ova dea an be one spirit dat make all da guys dat talk fo his gods bulai him wen dey talk.’ “Da One In Charge tell, ‘Good idea! You goin bulai all dem! Go, do jalike you tell!’

Job 1:11

But you know, if you use yoa powa, an wack eryting he get, fo shua he goin talk bad bout you in yoa face!”

Job 13:28

“Peopo stay come poho jalike someting rotten! Jalike da puka in da clotheses dat da moth wen eat.”

Job 2:6

Da One In Charge tell Da One Dat Stay Agains God, “Kay den. I give you powa ova Job. Ony one ting—make shua he stay alive!”

Job 30:30

My skin come black, My body stay hot wit feva.

Job 7:5

My body get worms an dirty scabs all ova. My skin get plenny sores an da pus come out slow.

Isaiah 1:6

From on top yoa head to undaneat yoa feet You guys no even get one place dat stay good, Ony get cut, scar, black an blue, An bad open kine sore all ova. Nobody clean out da pus, Nobody put olive oil on top fo make um come sof, An nobody put bandage on top um.

Isaiah 3:17

I goin put sore all ova dea head. I goin make all da Jerusalem wahines come bolohead.”

Rules Secon Time 28:27

Da One In Charge goin give you guys boils jalike he wen do to da Egypt peopo. He goin give you bad kine lumps, bad kine sores, an da itch. An no mo nobody can make um come mo betta.

Rules Secon Time 28:35

Da One In Charge goin make yoa knees an legs get boils dat come real sore, an no mo nobody can make um come good. Dey goin go from unda yoa feets to da top a yoa head.

Jesus Show 16:11

Dey talk bad bout God in da sky cuz dey stay suffa an get bad kine sores all ova dem. But still yet dey no like change an come sorry fo da bad kine stuff dey do.