Job 2:13 - Hawaii Pidgin Bible

¹³ Den dey sit wit him on da groun seven day an seven nite. Nobody tell notting to him cuz dey see how plenny he stay suffa.

Job 2:13 ပူးပေါင်းရင်းမြစ်များ

Start 1:5

Da light time, he give um da name “Day time.” Da dark time, he give um da name “Nite time.” So, had da nite time an da day time, az day numba one.

Start 1:8

Da ting inside da middo, God give um da name “Da Sky.” Had da nite time an da day time, az day numba two.

Start 50:10

Wen dey come one place fo go across da Jordan Riva, da place dey call Goren Ha-Atad, dey cry plenny an real loud fo Israel. Joseph make funeral seven day fo his mahke faddah.

Ezra 9:3

Wen I hear dat, I come real sad inside. Den I rip my clotheses an my robe fo show I feel bad. I pull hair outa my head an my beard. I jus sit dea an no can figga an no can do notting.

Nehemiah 1:4

“Wen I hear dis, I sit down an cry plenny. Fo days I stay cry, an no eat notting so can pray. I stay pray in front da God dat live inside da sky.”

Job 3:1

Afta dat, Job start fo talk to his frenz. He tell dat mo betta he neva born.

Job 4:2

“If I try fo talk to you, Dat goin make you feel jalike I talk too much, o wat? But still yet, no ways I can hold back an no tell notting!

Songs 77:4

You make my eyes stay open! Plenny tings bodda me, Az why I no can even talk!

Isaiah 3:26

Inside da gates a Jerusalem town, Da wahines goin sit down on top da groun, An cry an stay sad inside cuz no mo dea guys.”

Isaiah 47:1

Go sit down on top da dirt, You Babylon town peopo! You Babylon guys was jalike One beautiful young princess. But now, you gotta go sit down on top da groun, Cuz now you no mo throne an no mo king. Az why nobody goin tink you make nice to peopo An you no need work.

Sad Song 2:10

Da older leadas fo Jerusalem sit on top da groun, an no talk. Dey sprinkle dirt on top dea heads. An dey wear burmbag clotheses fo show dey stay sad. Da young wahines from Jerusalem lay on da groun an put dea face in da dirt, Fo show dey stay sad inside.

Ezekiel 3:15

I go by da Israel peopo dat get kick out from dea land an gotta stay ova hea, an stay Tel Aviv nea da Kebar Canal. I go wea dey live an I sit down wit dem. I stay dea seven days. An I come all shook up an I no can tell notting.