Job 2:11 - Hawaii Pidgin Bible

¹¹ Job get three frenz, Elifaz from Teman, Bildad from Shuh, an Zofat from Naamat. Dey wen hear bout all da trouble dat wen come on top Job. So dey go from dea houses, an meet. Den dey go togedda fo show Job dey sorry, an make him feel mo betta.

Job 2:11 ပူးပေါင်းရင်းမြစ်များ

Start 25:2

She born fo him Zimran, Jokshan, Medan, Midian, Ishbak, an Shuah.

Start 36:11

Elifaz, his boys, Teman, Omar, Zefo, Gatam, an Kenaz.

Start 36:15

Dis da importan guys dat come from Esau kids. From Esau numba one boy Elifaz, get Teman, Omar, Zefo, an Kenaz. Dey was da main guys fo dea ohanas.

Start 36:34

Jobab mahke, an Husham, dat come from da land wea da Teman peopo live come king.

Start 37:35

All Jacob odda kids, guys an wahines, go by him fo try help um come good inside. But he no like lissen dem. He tell, “No way. Bumbye wen I go down da Mahke Peopo Place, I still goin stay cry fo my boy.” An he stay sad inside lidat, long time.

1 Records 1:32

Keturah, Abraham odda wife, get dese boys: Zimran, Jokshan, Medan, Midian, Ishbak, an Shuah. Jokshan boys: Sheba an Dedan.

1 Records 1:45

Wen Jobab mahke, Husham from da Teman land come king.

1 Records 7:22

Dea faddah Efraim stay sad inside long time cuz a dem. His ohana come fo make him stay good inside.

Job 11:1

Den Zofar from Naamat tell:

Job 13:4

But you guys, you bulai fo cova up da trut! All you guys jalike doctas dat good fo notting!

Job 15:1

Den Elifaz from Teman tell Job:

Job 16:2

“Befo time I wen hear plenny stuff jalike wat you guys tell. You guys donno how fo make me feel mo betta! You ony stay presha me out moa!

Job 16:20

My frenz, dey da ones talk bad bout me! But I stay cry in front God.

Job 18:1

Den Bildad from Shuh ansa back Job lidis:

Job 19:19

All da guys I wen trus wen we talk befo time, Dey tink I pilau. Da peopo dat I love turn agains me.

Job 19:21

“Eh, you guys! You my frenz, aah? Show pity fo me! Show pity cuz God wen wack me!

Job 4:1

Den Elifaz, dat get Teman fo his ancesta, tell Job,

Job 42:11

All his braddahs an sistahs, an erybody dat know him from befo time, come eat wit him inside his house. Dey make him stay good inside bout all da trouble dat Da One In Charge make happen to him. Erybody give him one piece silva an one gold ring.

Job 42:7

Afta Da One In Charge pau tell Job all dis, he tell Elifaz from Teman, “I stay plenny huhu wit you an yoa two frenz! Cuz you guys neva tell wat stay shua bout me, da way my worka guy Job tell um.

Job 42:9

So Elifaz from Teman, Bildad from Shuh, an Zofar from Naamat do wat Da One In Charge wen tell um fo do, an Da One In Charge lissen wat Job pray fo dem.

Job 6:14

“Wen somebody stay bum out, his frenz suppose to stay tight wit him, No matta da guy no sked fo bag from Da God Dat Get All Da Powa.

Job 6:19

Da guys from Tema wit horses an camels dat bring stuff fo sell, Dey look fo da streams too. Da guys from Sheba dat sell stuff look fo watta.

Job 8:1

Den Bildad from Shuh tell Job:

Smart Guys 17:17

You get one fren, An he get love an aloha fo you all da time. You get one braddah, an he dea Fo help you wen you need um cuz get trouble.

Smart Guys 18:24

One guy dat tink he get plenny frenz Can get wipe out real fas. But get anodda kine fren dat love you An stay mo tight wit you den yoa braddah.

Smart Guys 27:10

No foget bout yoa frenz An yoa faddah frenz. Wen someting bad happen to you, No go yoa relative house. Mo betta go one fren live nea you fo help you, Den one relative dat live far away.

Isaiah 51:19

Dese two bad tings wen happen To you Jerusalem guys, No mo nobody fo help you Fo wat wen happen, An you feel sore inside. You guys stay all bus up, An wipe out, An no mo notting fo eat, An dey kill you guys wit swords. How I can give you guys good kine words Fo make you feel good?! No can!

Jeremiah 49:7

Bout da Edom peopo, dis wat Da One In Charge, da God Ova All Da Armies, tell: “No mo nobody Teman side Dat know wat fo do erytime, o wat? No mo nobody dat undastan stuff An can help odda peopo make one good plan? Da ones dat befo time wen know wat fo do erytime, Now, dey come good fo notting, aah?

Obadiah 1:9

Yoa army guys from Teman town goin lose fight, Cuz erybody inside da Esau mountains goin get kill.

John 11:19

Plenny Jew guys come fo kokua Marta an Mary, cuz dea braddah mahke.

Rome 12:15

Wen odda peopo feel real good inside, you feel good inside wit um—an wen dey cry, you cry wit um.

1 Corint 12:26

If one part a da body suffa, all da odda parts suffa, same time. If one part a da body stay awesome, all da odda parts feel good, same time.

Hebrews 13:3

Tink plenny bout da prisona guys, an make jalike you wen stay dea wit dem. An tink plenny bout da peopo dat oddas make any kine to, jalike you guys suffa jalike dem.

Joshua 15:41

Gederot, Bet-Dagon, Naamah, an Makkedah. Dass sixteen towns an small towns aroun dem.