Job 2:10 - Hawaii Pidgin Bible

¹⁰ He tell her, “You talk jalike one stupid wahine! You tink us goin get ony good kine stuff from God, an no mo bad tings too, o wat?!” Wen all dis stay happen, Job no tell notting bad.

Job 2:10 ပူးပေါင်းရင်းမြစ်များ

Start 3:17

God tell da guy Adam dis: “You, you wen do wat yoa wife tell you fo do, an not how I tell you fo do. You wen eat da fruit from dat tree, no matta I wen tell you befo time, no eat um. “Cuz a wat you wen do, I goin make da land hard fo grow stuff! From now, till you mahke, You goin bus ass fo get stuff fo eat!

2 Samuel 13:13

An wat bout me? I no can handle dat kine shame! An wat bout you? All da Israel peopo goin tink you real stupid fo do dis! Try go talk to oua faddah da king. He goin let me marry you.”

2 Samuel 19:22

But David tell Abishai, “Aah, you guys, Zeruiah my sistah boys! Erytime, you guys no tink same same wit me! Today you ack jalike da guys dat go agains me! You tink today one good time fo kill one Israel guy, o wat?! No way! You tink I donno dat today, I da one stay king ova all da Israel peopo fo real kine!”

2 Samuel 19:28

Fo shua, good fo all my granfaddah ohana all mahke cuz a wat oua ohana wen do. But you, my boss da king, you wen let me be yoa worka guy an sit wit da peopo dat erytime stay eat by yoa table. So I no mo da right fo aks you, da king, fo notting mo den dat.”

2 Samuel 24:10

Laytas, David feel bad afta he wen count da guys dat can fight.

2 Records 16:9

Cuz Da One In Charge look all aroun all ova da world, fo find da peopo dat make up dea mind fo go all out fo him, fo him make dem come strong fo him. But you, you wen do one stupid ting! So den, from now you goin get war all da time!”

Job 1:10

You da one wen put jalike one fence all aroun him an his ohana, an aroun eryting he get. You stay make eryting he do come good, fo his sheeps an cows go all ova da land.

Job 2:9

Job wife tell him, “Wot?! You still yet like hang in dea fo do stuff fo no mo nobody poin finga you?! Mo betta you go talk bad bout God, an den mahke!”

Songs 39:1

Dis wat I wen tell: “I goin watch how I live, So I no tell bad kine stuff. I goin make shua I shut my mout Weneva get peopo nea me Dat stay do bad kine stuff.”

Songs 39:10

No bus up me no moa! You come afta me real strong, I had it awready!

Songs 39:9

I no can tell notting. I no goin open my mout, Cuz you da one stay punish me.

Songs 59:12

Wat come outa dea mout Show dey do bad tings. Cuz dey talk big an bulai, An try fo put kahuna on top odda peopo, Dey goin get trap fo dat.

Smart Guys 9:13

Da kine stuff somebody tink, wen dey tink dey get it, but dey no get it, Try tink bout um lidis, make believe get one wahine. Erybody call her, Da Wahine Dat Tink She Get It, But She No Get It. She make plenny noise, But she donno wat fo do, She donno notting.

Smart Guys 9:6

You guys dat donno wat fo do, You gotta change how you stay, Fo you live fo real kine! You gotta stick wit da way Dat goin help you undastan stuff!’ ”

Teacha 7:14

So wen eryting go good, stay good inside. But wen eryting go bad, figga lidis: God make good tings an bad tings happen. Az why no mo nobody can figga wat goin happen bumbye.

Sad Song 3:37

If da Boss no like fo someting happen, No mo nobody can make um happen.

Matthew 16:23

But Jesus turn aroun an tell Peter, “Eh, get outa my face! You stay talking jalike Satan! You ony stay trying fo jam me up. Cuz you tink jalike da peopo tink, not jalike God tink.”

Matthew 25:2

Five a dem smart, an da odda five stupid.

John 18:11

Jesus tell Peter, “Put back yoa sword! My Faddah tell I suppose to suffa all dis kine stuff, an dass wat I goin do! Jalike he give me one cup full wit bitta kine stuff fo drink, an I goin drink da whole ting.”

Rome 12:12

Stay good inside to da max, cuz you know wat God goin do fo you bumbye. Hang in dea wen you get any kine hard time. An make shua you pray all da time.

James 1:12

Wen one guy hang in dea, no matta he get presha fo do someting bad, he can stay good inside. He goin get da kine life dat God wen promise to da peopo dat get love an aloha fo him. Dass jalike God give him da prize, cuz he wen fight da bad kine stuff, an win!

James 3:2

All us guys, we all jam up plenny. But if get one guy dat no jam up eva wen he talk, dat guy stay all grown up inside, an he know how fo take charge a da way he live an no do bad kine stuff.

1 Samuel 3:18

So Samuel tell him eryting, an no hide notting from him. Den Eli tell, “Him, Da One In Charge. So, I like him do wateva stay good, da way he see um.”