Job 17:3 - Hawaii Pidgin Bible

³ “God, you gotta stan up fo me! No odda guy goin do dat.

Job 17:3 ပူးပေါင်းရင်းမြစ်များ

Start 43:9

Me, I da guy dat goin get da kuleana fo take kea Benjamin. I goin take da blame if someting bad happen. If I no bring um back by you an show you dat he stay okay, den I goin come shame in front you till I mahke, cuz I goin know dass one bad ting I wen do to you.

Start 44:32

Me, I yoa slave guy, but I wen make one strong promise to my faddah fo make shua I bring back da boy. I tell um, ‘If I no bring him back to you, den I goin come shame foeva cuz I do dat bad ting.’

Job 5:1

“Yell fo help if you like, but no mo nobody goin ansa back you. Wat angel messenja guy dat stay spesho ony fo God you goin aks fo help you?

Job 9:33

I like fo somebody come between us fo tell us who right! Fo somebody put his hand on top God an me same time! But no mo nobody fo do dat!

Songs 119:122

I yoa worka guy, So den, tell me dat garans eryting Goin go good fo me. Da peopo dat ack Jalike dey no need lissen you, No let dem presha me.

Smart Guys 11:15

Whoeva tell dey goin pay fo somebody dey donno If da guy no pay wat he suppose to, Fo real, dey goin suffa plenny. If you tell um, “No way I goin make dat kine deal!” No need worry.

Smart Guys 17:18

Da kine guy dat no mo brain, He shake hand wen he make one deal, An make one promise fo pay Eryting dat some odda guy owe.

Smart Guys 20:16

If some guy dass not yoa ohana owe you money, Hold his coat. If da guy from anodda place no pay you back, Den fo shua you can sell da coat!

Smart Guys 22:26

No be da kine guy dat make one deal An tell, “If dis odda guy no can pay off wat he owe, Den I go pay um off.”

Smart Guys 6:11

An bumbye all one time, all yoa stuff, gone, Jalike one steala guy wen come take um. An all one time you no mo da stuff you need, Jalike one guy wit one knife wen jump you.

Isaiah 38:14

I make noise jalike da swallow bird o da heron bird. An make sad kine noise jalike one dove. I try fo look up to you in da sky, But my eyes too tired, I can ony look down. I get plenny presha! Help fo take kea me, my Boss!

Hebrews 7:22

An cuz God make one strong promise to Jesus, garans Jesus da One dat goin make shua us guys goin get one mo betta deal.