Job 16:9 - Hawaii Pidgin Bible

⁹ God stay huhu an bus me up, Jalike one wild animal go afta da animals he kill. Jalike he make mad face cuz he hate me plenny. He give me stink eye cuz he stay agains me.

Job 16:9 ပူးပေါင်းရင်းမြစ်များ

Job 13:24

How come you hide yoa face? How come you ack jalike I agains you?

Job 13:27

You lock my feets inside da wood shackles. You watch ery place I go. You put one mark on da bottom a my feets.

Job 18:4

You stay real huhu an come all bus up cuz a dat! You tink erybody gotta leave dis world jus cuz a you, o wat?! You tink da cliffs gotta move aroun cuz a you, o wat?!

Job 19:11

He stay real huhu wit me. He tink bout me jalike I one a da guys dat stay agains him.

Job 30:21

You change an you like hurt me. You get plenny powa, an you ack jalike you hate me.

Job 33:10

But you know wat? God wen find stuff he tell I get blame fo. He tink I agains him.

Job 6:4

Jalike Da God Dat Get All Da Powa wen shoot me wit arrows, An da arrows get poison dat jam me up inside! God do all kine stuff dat make me sked!

Songs 35:16

Dey ack jalike God no matta, Dey erytime make fun a me, Dey grind dea teet, cuz dey real mad.

Songs 37:12

Da bad peopo make One no good kine plan Agains da peopo dat do Wass right erytime. Da bad peopo grind dea teet Cuz dey so mad wit da good peopo.

Songs 50:22

You peopo dat ack jalike God no matta, Tink real good Bout all da tings I tell you. Cuz if you no lissen, I goin rip you guys up, An no mo nobody Goin get you outa trouble.

Sad Song 2:16

All da peopo dat stay agains you guys make fun a you. Dey laugh an grind dea teet. Dey tell, “Fo shua, jalike us guys wen swallow dem! We wen wait long time fo see dis happen!”

Sad Song 3:10

He wait fo jump me jalike one bear. He hide jalike one lion fo catch me.

Hosea 5:14

Cuz az me, Da One In Charge, Dat punish Israel an Judah. I goin be jalike one lion dat attack da Efraim peopo. Jalike one lion dat go agains da Judah ohana. I goin bus dem up, den go way. I goin drag dem wit me, an no mo nobody goin free um up.

Hosea 6:1

Da Israel peopo tell, “Go come, we go back by Da One In Charge. He wen rip us up, But he goin make us come good. He wen wack us guys, But he goin put one bandage on us.

Micah 7:8

You guys dat stay agains me, No laugh bout me! No matta I fall down, I goin stan up one mo time. No matta jalike I sit inside one dark place, Da One In Charge goin stay jalike one light fo me.

Jesus Guys 7:54

Wen dey hear dat, dey come wild, an dey grind dea teet at Stephen cuz dey mad.