Job 16:4 - Hawaii Pidgin Bible

⁴ I can talk jalike you guys too, you know. If you guys wen suffa jalike me, I can put togedda words agains you guys too, An shake my head jalike someting wrong wit you guys.

Job 16:4 ပူးပေါင်းရင်းမြစ်များ

2 Kings 19:21

Me, Da One In Charge, I get someting fo tell agains him: “ ‘Eh, King Sennakerib! All da wahines from Zion Hill Hate yoa guts an make fun a you. Dey goin stick finga at you wen you run away.

Job 11:2

“Wen you talk plenny lidis, somebody gotta ansa back you, aah? Jus cuz you use plenny word, no mean you right!

Job 16:5

But me, I no make lidat. Da way I talk can make you guys feel mo strong. I no hold back fo tell how you guys can come so notting bodda you.

Job 35:16

Job, he open his mout an talk, But wat he tell no mean notting! He talk talk talk, But he donno wat he stay talking about.”

Job 6:14

“Wen somebody stay bum out, his frenz suppose to stay tight wit him, No matta da guy no sked fo bag from Da God Dat Get All Da Powa.

Songs 109:25

Erybody make fun a me. Wen dey see me, dey shake dea head.

Songs 22:7

Erybody dat see me, dey laugh at me. Dey make any kine to me, an stick finga at me. Dey tell:

Songs 22:8

“So! Dis da guy dat let Da One In Charge handle his problem! Good, Da One In Charge get him outa all dat! If Da One In Charge get real plenny love an aloha fo dis guy, Good, Da One In Charge come get him outa trouble!” Dass how dey talk.

Songs 44:14

You wen set us up Fo da odda peopos talk bout us, An da odda nations Shake dea heads at us.

Smart Guys 10:19

No talk too much! Bumbye you goin tell someting An peopo goin come all huhu wit you. Da guys dat tink firs befo dey open dea mout, Dey undastan real good wat dey suppose to do.

Teacha 10:14

An da stupid guy talk plenny. No mo nobody know wat goin happen. Nobody can tell wat goin happen afta dat.

Isaiah 37:22

dis wat I tell agains Sennakerib: “ ‘My peopo inside Jerusalem town Dey jalike one young wahine Dat tink you no good, an dey laugh at you. Jalike one wahine dat shake her head an look Wen you stay run away!

Jeremiah 18:16

Odda peopo goin bus up dea land. Odda peopo goin come shock erytime dey see um. Erybody dat go by dea goin come bum out. Dey goin shake dea heads cuz all bus up da land.

Jeremiah 48:27

Befo time, was da Israel peopo Dat you Moab guys wen make fun a dem, aah?! Fo shua, you guys wen make lidat! You tink da Israel peopo Ony steala guys, aah?! No ways, dey neva make lidat! But az why you shake yoa head an tink, ‘Laytas wit dem!’ Weneva you talk bout da Israel peopo.

Sad Song 2:15

All da odda peopo dat pass by you Jerusalem guys, Dey clap hands fo make fun a you guys. Dey shake dea head fo show dey no mo respeck fo you. Dey tell, “Ahanas! Dis da big town dey call ‘Da Beautiful Place,’ o wat?! Dis da place dat peopo all ova da world stay good inside Wen dey tink bout um, o wat?!”

Zefaniah 2:15

Dis da big town wea da peopo wen stay amp out. Dey figga dey safe dea. Dey tell each odda, “Us guys, Numba One! No mo nobody stay jalike us!” But bummahs! Dea big town wen come all bus up. Ony get wild animals live ova dea! Erybody dat walk by um Ack sked an feel good cuz da town gone awready!

Matthew 7:12

Az why, wateva you guys like peopo fo do to you guys bumbye, make lidat to dem, same ting, now. Dis eryting dat da Rules From God tell in da Bible, an eryting dat da guys dat talk fo God wen teach.

Rome 12:15

Wen odda peopo feel real good inside, you feel good inside wit um—an wen dey cry, you cry wit um.

1 Corint 12:26

If one part a da body suffa, all da odda parts suffa, same time. If one part a da body stay awesome, all da odda parts feel good, same time.