Job 15:2 - Hawaii Pidgin Bible

² “Da guys dat erytime know wat fo do, Wen dey talk, dey goin make sense! Dey no goin fill dea belly wit hot air.

Job 15:2 ပူးပေါင်းရင်းမြစ်များ

Job 13:2

Da stuff you guys know, I know um too. You guys no can figga mo betta den me!

Job 15:1

Den Elifaz from Teman tell Job:

Job 15:3

Dose king guys, dey no goin argue an wase time. Dey no goin tell stuff dat no help nobody.

Job 6:26

You guys like fix wat I tell, Fo make um come right, o wat? You guys tink wat I tell cuz I stay ready fo give up, You tink I not serious, jalike ony da wind?

Job 8:2

“How long you goin talk lidat? Wat you tell, jalike one storm wind dat jam up eryting.

Smart Guys 16:23

Da kine guy dat tink befo he talk, He know wat fo do erytime, An cuz he undastan how come tings happen, He goin tell da right ting. Wen one guy know how fo talk good lidat, Mo plenny peopo goin lissen wat he tell um.

Teacha 5:15

Erybody come outa dea muddah naked. An afta dey mahke, dey naked one mo time. Dey no take notting from wat dey wen make.

Hosea 12:1

Da Israel peopo, dey ack jalike da wind stay dea food. All day dey chase da east wind. Dey bulai mo an moa, an dey beef mo an moa. Dey make one deal wit da Assyria peopo. Den dey sen olive oil Egypt side.

Hosea 12:2

Da One In Charge goin poin finga da Judah ohana leada guys. He goin punish da Jacob peopo fo da kine stuff dey do. He goin pay dem back fo wat dey wen do.

James 3:13

You tink get somebody dat smart an know wat fo do erytime? Kay den. Da guy betta do da right ting erytime, fo him show proof dat he get da smarts from God fo know wat fo do, an he no need be da numba one guy.