Job 13:12 - Hawaii Pidgin Bible

¹² You guys no foget tings da ol peopo tell, but az worth notting, jalike ashes. Wen you guys argue, easy fo tell you wrong, Jalike easy fo broke one clay pot.

Job 13:12 ပူးပေါင်းရင်းမြစ်များ

2 Corint 5:1

Eh, us guys know dat oua body, da one us stay inside now on top da earth, az jalike one tent dat ony goin stay up short time. No matta oua body goin come wipe out, us no need worry. Cuz God get one good place fo us stay inside da sky. Peopo neva make dat place. God wen make um an dat place stay foeva!

Isaiah 26:14

Now, all dose odda boss guys, mahke awready. Dey no goin come back alive no moa, Dea spirits no goin come back. Dass cuz you punish dem awready. You wen bus um up An wipe out eryting bout dem, So peopo no tink bout dem!

Smart Guys 10:7

Wen you rememba all da good peopo Dat you know from long time, Make you feel good inside. But da bad peopo, dey get pilau name So you no like even tink bout dem.

Songs 109:15

Da bad kine tings His ancesta guys wen do, Da One In Charge, make shua You no foget dat, An make shua nobody inside dis world Rememba who dem.

Songs 102:12

But you, Da One In Charge, You goin stay king foeva. All da peopo dat goin come bumbye, Dey goin know bout you.

Songs 34:16

But Da One In Charge stay agains Da peopo dat stay do bad kine stuff. He goin wipe dem out from dis world, So nobody even rememba who dem.

Job 18:17

Nobody in da world rememba dem. Erybody foget wat kine guys dey was.

Job 4:19

Den even mo he goin poin finga Da peopo dat live inside dese bodies! Dea bodies jalike one house dey make from clay Dat get foundation on top da dirt. Can smash dem mo easy den smash one moth!

Outa Egypt 17:14

Da One In Charge tell Moses, “Eh! I goin tell you one ting. Write dis inside one book, so nobody goin foget! Tell Joshua dis wen you write um: ‘Da Amalek peopo, I goin wipe out dea name, so nobody all ova da world no goin foget who dem!’ ”

Start 18:27

Den Abraham tell God, “Eh, I like try talk to you some moa. I know you da One In Charge, an me, I jalike da dirt. I notting!

Start 2:7

Den God, Da One In Charge, take dirt from da groun an make one guy. God blow on top his face fo make da guy come alive. Az how da guy get life inside him.

Job 13:11

He stay real importan, an dat goin make you guys sked. Den he goin make you guys come mo sked still yet.

Job 13:13

“Shut up, an let me talk! Den let wateva goin happen to me, happen!

Job 27:1

Job no pau talk yet. Dis wat he tell:

Job 29:1

Job talk some moa:

Job 21:34

“So! How you guys goin make me feel mo betta, Afta I hear all da stuff dat no mean notting dat you guys tell?! Da way you guys talk to me, no help me notting! You guys ony bulai!”