Job 11:7 - Hawaii Pidgin Bible

⁷ “You can figga out all da secret kine stuff dat God hide, o wat?! You can find out eryting Da God Dat Get All Da Powa can do, o wat?!

Job 11:7 ပူးပေါင်းရင်းမြစ်များ

Job 22:12

“God stay da mos high place inside da sky. He look down at da mos high stars!

Job 26:14

An dass ony fo start! Us guys ony hear one wispa bout da tings God do! So den, who goin undastan his powa, aah?! No can cuz he strong jalike da thunda!”

Job 27:11

“I goin teach you guys bout da powa God get. I no goin hide wat da Good God Dat Get All Da Powa stay do.

Job 33:12

“But I goin tell you dat you no stay right bout dat, Cuz God mo big den peopo.

Job 33:13

How come you squawk to him? Cuz he no ansa nobody dat argue wit him!

Job 35:5

Look at da sky! Look good at da clouds high ova you.

Job 36:26

God, he stay big an importan. Us, we no can undastan him! No can count how many year he stay alive.

Job 37:23

Da God Dat Get All Da Powa, us no can reach him. He real strong, an he judge da right way erytime. But he no put heavy presha on us guys.

Job 37:5

God use his voice Fo make thunda mo awesome den us guys wen hear. He do big tings dat us guys no undastan.

Job 42:3

You tell, ‘Who dis dat jam up wat I tell, Wen I tell peopo wass good fo dem do. Who dis dat talk plenny, but donno notting?’ Dass me! Fo shua I wen talk bout stuff dat I neva undastan. Stuff dass too awesome fo me!

Job 5:9

God do awesome kine stuff dat nobody can tink. He do unreal kine stuff, mo den can count.

Songs 139:6

Da way you know me, Blow my mind! You know me mo betta Den I know me!

Songs 145:3

Da One In Charge, he da One! Real good fo tell good tings bout him! He real big, no can figga out Eryting bout him!

Songs 77:19

Da way you wen go was right thru da ocean. Yoa road, wea get da big watta, Nobody know az was yoa footprints.

Smart Guys 30:4

You know, no mo nobody but God Can go up inside da sky, Den come back down hea. No mo nobody Can hold da wind inside his two hand Fo make um blow o no blow. No mo nobody Can wrap his coat aroun da ocean fo carry um. No mo nobody Can make da whole world, even da mos far places. If you know somebody dat can do all dat, Let me know who him an wat his name! Let me know who his boy an wat his boy name!

Teacha 3:11

He make eryting happen jalike suppose to happen, fo da time wen suppose to happen. He make peopo tink bout wat maybe goin happen bumbye, but dey no can undastan eryting dat God stay do from da start till da end.

Teacha 7:24

Wateva dat mean fo know wat fo do erytime, Stay far away, an hard fo undastan. No mo nobody can find out wat dat mean!

Isaiah 40:28

You guys neva know all dis, o wat?! You neva hear bout dis?! Da One In Charge, he da God dat stay foeva! He da One wen make Even da mos far places inside da whole world. He no goin come tired o wore out. Nobody can check out da way he undastan eryting!

Matthew 11:27

Den Jesus tell dem, “My Faddah in da sky give me eryting, you know. I his Boy, an az why he do dis. Nobody know me jalike my Faddah know me. An nobody know my Faddah fo real kine, ony me, I know him, cuz I his Boy. An da Boy da one dat pick da peopo he like show da Faddah to dem.

Rome 11:33

Ho, God! He unreals smart! God, he know how fo use all his smarts! An he know eryting! No mo nobody undastan how he make up his mind! No mo nobody can figga out how come God do wat he do! Jalike da Bible tell befo time:

1 Corint 2:10

But fo us guys, God show us all da stuff we neva know befo time cuz God Spirit stay in charge a us. Da Spirit, he undastan wat eryting mean. He even know eryting bout God, even wass hard fo us undastan.

1 Corint 2:16

Jalike da Bible tell: “Who can figga out wat God stay figga, aah? O who can teach God wat he suppose to do? No mo nobody!” But us guys, we know all dat cuz Christ help us guys figga um out jalike he figga um out.

Efesus 3:8

All da odda peopo dat stay spesho fo God stay mo importan den me. Still yet, God wen pick me fo do dis job. Dis da job fo tell all da diffren kine peopos dass not Jew guys all da unreal an awesome kine stuffs bout Christ. Dat awesome kine stuff mo awesome den anybody can figga. Dis job, jalike one spesho gif God give me fo do.