Job 11:6 - Hawaii Pidgin Bible

⁶ I like fo God tell you tings you donno still yet Bout how fo know wat fo do erytime. If you wen know dat fo real kine, den you goin undastan Dat get mo den one way fo tink bout stuff. But you donno yet! You goin know dat God wen even foget Some a da bad tings you wen do.

Job 11:6 ပူးပေါင်းရင်းမြစ်များ

Ezra 9:13

“You wen punish us plenny awready, fo da bad tings we wen do an fo da shame we get cuz a dat. Still yet, you ony punish us litto bit fo da bad tings us wen do. An you let some a oua peopo come back hea.

Job 11:5

But I like fo God tell someting, An tell um to you fo real kine!

Job 12:13

“Da One In Charge, he da One know wat fo do erytime. He get plenny powa. He da One tell peopo wass da bestes ting fo dem do. He undastan plenny stuff.

Job 15:11

Da tings God tell fo make you feel mo betta, Az not enuff fo you, o wat?! God talk nice kine, you know.

Job 15:5

Cuz da bad kine stuff you do, Az why you talk lidat, Da way sneaky kine peopo talk.

Job 15:8

You sit wit da ones dat make plan wit God, an lissen dem, o wat?! You tink you da ony one dat know wat fo do erytime, o wat?!

Job 22:5

Nah! All dis gotta be, cuz you do plenny bad kine stuff! Fo shua, you stay do wass wrong an you no can stop!

Job 28:28

An he tell da peopo, ‘You know wat?! If you get choke respeck an stay sked a da Boss Up Dea, Den you goin know wat fo do erytime! An if you stay away from da bad kine stuff, Dat goin show you undastan plenny!’ ”

Job 33:12

“But I goin tell you dat you no stay right bout dat, Cuz God mo big den peopo.

Job 9:4

God know wat fo do erytime, mo den erybody. He get mo powa den anybody. Nobody can go agains him an come out okay!

Songs 103:10

God get da right fo punish us guys Cuz we do bad kine stuff— But he no make lidat. He get da right fo pay us guys back, Cuz we wen go agains him— But he no go afta us.

Songs 25:14

Da peopo dat feel jalike dey sked an shaking Wen dey stay in front Da One In Charge, Dey stay real close to him, Cuz he like make shua dey undastan Wat da deal mean dat he wen make wit dem.

Sad Song 3:22

Da One In Charge, he stay tight wit us guys foeva! Da tings he do fo show pity fo us guys, goin be lidat foeva!

Daniel 2:28

But, get one God inside da sky dat make peopo know da secret tings. King Nebukadnezzar, God wen make you know awready wat goin happen bumbye. Now, I goin tell you wat you wen dream, an tell all da pichas dat you wen see in yoa head wen you lay on top yoa bed.

Daniel 2:47

Da king tell Daniel, “Fo shua yoa God stay da God ova all da odda gods, an da Boss ova us king guys. He da One dat show wat tings mean dat stay secret cuz you wen tell wat dis dream mean.”

Matthew 13:35

He do um lidat fo make um happen jalike da guy dat talk fo God wen tell befo time, “I goin tell stories fo teach, I goin tell stuff dat nobody know From dat time wen God make da world till now.”

Efesus 3:5

All da peopos dat live befo time, God neva let dem know da secret plan. But now, Da Good An Spesho Spirit show da secret plan to his spesho guys dat talk fo God, an to da guys dat God wen sen all ova da place fo tell da peopo bout Christ.

Rules Secon Time 29:29

Moses tell: “Get tings dat oua God, Da One In Charge, no show us. He know um, but he no show us guys. But da tings he stay show us, dass da kuleana fo us guys an oua kids foeva. So den us guys gotta follow all da rules he teach us fo do.”