Job 10:9 - Hawaii Pidgin Bible

⁹ No foget dat you wen make me Jalike I da clay fo make one pot. Now you goin change me Fo come dirt one mo time, o wat?!

Job 10:9 ပူးပေါင်းရင်းမြစ်များ

Start 2:7

Den God, Da One In Charge, take dirt from da groun an make one guy. God blow on top his face fo make da guy come alive. Az how da guy get life inside him.

Start 3:19

You gotta bus ass an sweat Fo get enuff food outa da groun, An afta, you goin go back to da dirt Cuz I wen make you outa da dirt. You come from dirt, An you goin come dirt one mo time.”

Job 10:10

You wen pour me out jalike I milk, An make me come solid jalike cheese.

Job 17:14

If I ony wait fo tell da Deep Dark Hole, ‘You, my faddah!’ An call da worms ‘My muddah, my sistah!’

Job 33:6

Eh! I jalike you, da way God see me. He wen make me outa dirt too.

Job 34:15

Den all da peopo goin mahke togedda. Fo come dirt one mo time.

Job 4:19

Den even mo he goin poin finga Da peopo dat live inside dese bodies! Dea bodies jalike one house dey make from clay Dat get foundation on top da dirt. Can smash dem mo easy den smash one moth!

Job 7:21

How come you no hemo da shame I get cuz I do bad kine stuff?! An let me go from da wrong tings I wen do?! Cuz pretty soon I goin be inside da dirt! Wen you look fo me, I no goin stay no moa!”

Job 7:7

God, no foget dat my life stay jalike one wind dat blow ony short time! No way I goin stay good inside even one mo time.

Songs 103:14

Cuz Da One In Charge, he know How he wen make us guys. He no foget dat us ony dus.

Songs 104:29

Wen you hide, an no let um see yoa face, Bodda dem plenny. Wen you no let um breave no moa, Dey mahke an dea body come dirt One mo time.

Songs 106:4

Eh! Da One In Charge! Wen you do nice tings fo yoa peopo, No foget me too! Wen you get dem outa trouble, Try help me too!

Songs 22:15

Befo time, strong, me. But now I all weak, Jalike wen da mud dry up from da sun. My tongue stay real dry, az why I no can move um. You wen throw me down on top da dirt fo me mahke dea!

Songs 25:18

Try look how bum out I stay, An how weak I stay cuz a all dis! Hemo da shame I get Fo da bad tings I wen do, An let me go.

Songs 78:39

Cuz he tink lidis: “Aah, dey ony peopo. Dey jalike da wind, Dat blow but no come back!”

Songs 89:47

Try tink bout me. Real short, da time I get fo live! You tink ony wase time You wen make peopo, o wat?!

Songs 90:3

You da One make peopo come dirt One mo time wen dey mahke. You tell, “You peopo, time awready Fo you come dirt jalike befo time!”

Teacha 12:7

O oua body go back inside da dirt wea we come from, An oua spirit go back by God dat give um to us.

Isaiah 45:9

“Bummahs! fo anybody dat make argue Wit da One dat wen make dem! Dey notting. Dey jalike one piece from one broke pot, An anodda piece from broke pots Dat get all ova da groun. You tink da clay aks da guy dat make pots, ‘Wat you stay making, aah?! Da stuff you make Look jalike you no mo hands!’

Isaiah 64:7

No mo nobody know wat kine god you, So nobody call you fo help um. No mo nobody try fo hang in dea wit you, Cuz you no like even look at us guys. You make us lose fight, So da bad kine stuff we do, take ova us.

Isaiah 64:8

Still yet, Da One In Charge, you oua Faddah. Us, jalike da clay. You, da guy dat make us guys come jalike clay pots. All us guys, you wen make us.

Jeremiah 18:6

“You Israel peopo, how come you guys tink I no can make wit you guys jalike dis guy make wit da clay pot?! Fo me, you guys jalike da clay dis guy use fo make clay pots wit his hands.

Rome 9:21

Da guy dat make pots, he get da right fo use da clay fo make spesho kine pots. O if he like, he use da same clay fo make pots fo put junk kine stuff inside.

2 Corint 4:7

Us guys get plenny rich kine stuff from God inside us, no matta us jus regula kine peopo. Dass fo show dat da fo real powa come from God, an az not from us guys. Dass jalike wen somebody get rich kine stuff inside cheap kine dishes.