Job 10:7 - Hawaii Pidgin Bible

⁷ You do dat, no matta you know dat I no mo da blame, But no mo nobody can get me outa yoa powa!

Job 10:7 ပူးပေါင်းရင်းမြစ်များ

Job 10:15

If I do anyting bad, pooa ting me! Even if I do da right ting, I still no can show face. Cuz I get plenny shame An stay all bum out.

Job 11:4

You tell God, ‘Wat I teach, stay right! An I neva do notting wrong, da way you see me!’

Job 13:18

Look, I stay ready fo tell how come I stay right. Fo shua God goin tell me I okay!

Job 23:10

But still yet, he know wat way I pick. Wen he tes me, I goin come jalike pure gold.

Job 23:11

Jalike my feets follow wea evas he step. I make shua I stay tight wit him, an no turn away.

Job 27:22

Da wind slam agains dem an no give um chance. Too strong fo dem run away!

Job 31:14

Wat I goin do wen God poin finga me, aah? Wat I goin tell him wen he aks me how come I wen make lidat?

Job 31:35

“I like fo somebody lissen me! I like sign one paypa dat tell I neva do notting wrong! I like Da God Dat Get All Da Powa ansa wat I write! I like da One dat poin finga me, write on top one paypa Fo tell wat I wen do dass wrong!

Job 31:6

Den let God weigh me wit da kine scales Dat show if I tell da trut, o I bulai. He goin know dat I no mo da blame fo make lidat.

Job 32:1

So dese three guys no like talk no mo wit Job. Cuz da way Job see um, he ony do wass right!

Job 33:9

‘Me, I stay clean an no do notting bad. I no mo da blame fo notting.

Job 40:8

“You tink az fo real dat I no judge da right way, o wat? You goin tell I get da blame fo you show proof you right?

Job 42:7

Afta Da One In Charge pau tell Job all dis, he tell Elifaz from Teman, “I stay plenny huhu wit you an yoa two frenz! Cuz you guys neva tell wat stay shua bout me, da way my worka guy Job tell um.

Job 9:12

If he grab someting, nobody can stop him, you know. No mo nobody goin aks him, ‘Eh! Wat you stay do, aah?!’

Job 9:21

“No matta I no mo blame, I no give a rip bout me. My life no mean notting to me!

Job 9:22

Eryting stay da same! Az why I tell, ‘God, he wipe out da peopo dat no mo blame, Same ting jalike he wipe out da guys dat do wass wrong.’

Songs 1:6

Cuz Da peopo dat stay right Wit Da One In Charge, He know wat dey stay do. But Bummahs fo da peopo Dat broke his Rules!

Songs 17:3

You look inside me, An you know how I tink. Nite time, you come by me Fo tes me An see if get anyting pilau inside me, So you know no mo notting wrong. I make up my mind fo no tink bad kine tings. No way notting pilau goin come outa my mout,

Songs 50:22

You peopo dat ack jalike God no matta, Tink real good Bout all da tings I tell you. Cuz if you no lissen, I goin rip you guys up, An no mo nobody Goin get you outa trouble.

Songs 7:3

Eh! You Da One In Charge! You my God! If fo real I wen go do dis— If I wen do dis bad kine stuff,

Isaiah 43:13

“An from long time befo time, I God. Wen I use my powa, No mo nobody can make me stop. Wen I do someting, No mo nobody can change um An make um jalike was befo time.”

Daniel 3:15

Now, wen you guys hear da soun from da music one mo time, if you guys stay ready fo go down an show respeck fo da statue dat I wen put up, az good. But if you guys no go down in front um, my guys goin throw you guys inside da real hot fire inside da big oven. Den wat kine god goin help you guys get outa my powa, aah?! No way!”

Hosea 2:10

So now I goin show erybody how she make shame Wen da guys dat make sex wit her stay watch. Den no mo nobody goin take her outa my powa.

Hosea 5:14

Cuz az me, Da One In Charge, Dat punish Israel an Judah. I goin be jalike one lion dat attack da Efraim peopo. Jalike one lion dat go agains da Judah ohana. I goin bus dem up, den go way. I goin drag dem wit me, an no mo nobody goin free um up.

John 21:17

An den one mo time, Jesus go aks um, “Eh Simon, John boy. You my fren, o wat?” Den Peter come all hurt inside, cuz now three time awready Jesus go aks him. He tell, “You my fren, o wat?” So Peter tell um, “You Da One In Charge! You know eryting! You know I yoa fren.” Jesus tell um “Dass right! An I tell you dis too: Feed my sheeps. Befo time, wen you was one young guy, you put on yoa clotheses an yoa belt an go wea eva you like. Bumbye, you goin come one ol guy. Den you goin stick out yoa hands an anodda guy goin tie you up an bring you one place you no like go.”

2 Corint 1:12

Dis how come we talk big. Fo shua us guys know we do wat God like us fo do. Us do um jus cuz we like do um, fo erybody see dat God make us guys do wass fo real. Us no do um wit da kine smarts da peopo get, but wit da kine smarts dat God give us cuz he get one good heart. Az how us wen live in dis world, an even mo plenny how us guys wen make fo help you guys.

Rules Secon Time 32:39

“Now see, dis me, I God fo real kine! No mo anodda god but me! I can make peopo mahke, an I can give dem life. I can hurt dem an I can make dem come good. An no mo nobody can get dem Outa da kine trouble I give um.

1 Tessalonika 2:10

You guys know da way we wen ack dat time. An God, he know too. We wen stay good an spesho fo God, an we do da right ting, an we wen make shua we neva do notting bad fo nobody poin finga us. We make lidat fo help you guys dat trus God.

Joshua 22:22

“Da One In Charge, He da God wit all da powa! Da One In Charge, He da God wit all da powa! He know wat us guys do! An az good dat all da Israel peopo know too! “If us guys stay do dis ting agains Da One In Charge, an no lissen him, den no let us guys stay alive.