Job 10:3 - Hawaii Pidgin Bible

³ You tink az good fo you, dat you put presha on me, o wat?! You like mess me up, da guy you wen work hard fo make, o wat?! An same time, how come you tink az good, all da plans da bad guys make?!

Job 10:3 ပူးပေါင်းရင်းမြစ်များ

Job 10:8

“ ‘You wen make me wit yoa hands. So now you goin turn aroun an wipe me out, o wat?!

Job 14:15

If az how, den you goin like see me, da guy you wen make. You goin call, an I goin ansa you.

Job 15:13

How come you talk jalike you stay huhu wit God?! How come you let dat kine talk come outa yoa mout?!

Job 16:11

God turn me ova to da bad guys. An he let da criminals do bad kine stuff to me.

Job 19:6

Den you guys gotta know dis: Az God dat judge me da wrong way! Jalike he throw his net ova me.

Job 21:16

But you know wat? Da peopo dat do bad kine stuff, dey not da ones Dat make eryting go good fo dem! No way I goin tink az good, wat dey tell peopo fo do! I goin stay far from dem!

Job 22:18

Still yet, God was da One wen fill up dea houses wit good kine stuffs. But me Elifaz, Wen da bad kine guys tell me wass da bestes ting fo do, No ways I goin lissen!

Job 27:2

“Fo shua God stay alive. But he take away my rights! Da God Dat Get All Da Powa, he make me come all jam up!

Job 30:21

You change an you like hurt me. You get plenny powa, an you ack jalike you hate me.

Job 31:15

Da same God dat wen make me inside my muddah, he make da worka guys too. Da same God make all us peopo inside oua muddahs.

Job 33:4

Da Spirit from God wen make me. Da God Wit All Da Powa, wen he breave, he make me stay alive.

Job 40:2

“Eh you! Da guy dat make argue wit me! Me, Da God Dat Get All Da Powa! You stay tell me I wrong, o wat?! You da one dat poin finga me! I like you ansa me!”

Job 40:8

“You tink az fo real dat I no judge da right way, o wat? You goin tell I get da blame fo you show proof you right?

Job 8:20

“Fo shua, God no throw out da peopo dat no mo blame. But he no help da bad guys come strong.

Job 9:22

Eryting stay da same! Az why I tell, ‘God, he wipe out da peopo dat no mo blame, Same ting jalike he wipe out da guys dat do wass wrong.’

Job 9:24

Wen da guys dat do bad kine stuff take ova one land, God cova up da judge guys eyes. If az not da One dat make lidat, Den who do um?!

Songs 100:3

Fo shua you gotta know dis: Da One In Charge, he God! He da One wen make us guys, An us guys his peopo! Jalike us da sheeps Dat he lead to da grass.

Songs 138:8

Eh! You Da One In Charge! You da One Goin make happen fo me, Eryting you wen promise fo do. You, Da One In Charge, An you stay tight Wit yoa peopo foeva! So den, no go bag From da peopo you wen make!

Songs 69:33

Cuz Da One In Charge, Him da kine God stay lissen To da peopo dat no mo notting. Even wen his peopo stay prisonas, He no make to dem jalike dey junk.

Isaiah 64:8

Still yet, Da One In Charge, you oua Faddah. Us, jalike da clay. You, da guy dat make us guys come jalike clay pots. All us guys, you wen make us.

1 Peter 4:19

Wen God peopo suffa, an dey handle um da way he like um fo handle, dey can trus God fo take kea dem. He wen make dem, an he do wat he tell he goin do erytime. An dey still yet goin do good kine stuff, jalike befo time.