Job 1:8 - Hawaii Pidgin Bible

⁸ Den Da One In Charge tell Da One Dat Stay Agains God, “Wat you tink bout my worka guy Job? No mo nobody on top da earth stay jalike him. He one guy no mo nobody poin finga him. He erytime do da right ting. He get awesome respeck fo me, God, an he stay away from da bad kine stuff.”

Job 1:8 ပူးပေါင်းရင်းမြစ်များ

2 Kings 23:25

From all da kings dat come befo Josiah, an all da kings dat come afta him, neva get even anodda king jalike Josiah. Az cuz he tell “Laytas” to wat da king guys befo him stay do, he go all out fo come tight wit Da One In Charge wit all his powa an eryting inside him. He do eryting jalike all da Rules from Moses tell.

Nehemiah 5:15

But da guys dat was govna befo me, dey wen make um hard fo da peopo. Dey wen make dem bring food an wine, an all dem gotta pay 40 silva coin. Even da guys dat work fo da odda govnas, dey wen ack jalike az okay fo dem tell da peopo wat fo do too. But I neva make lidat, cuz I sked wat God goin tell if I do dat.

Job 1:1

Had one guy Job. He live da Uz land. Dat guy, no mo nobody poin finga him. He erytime do da right ting. He get awesome respeck fo God, an stay away from da bad kine stuff.

Job 12:4

“I wen come one guy dat all my frenz laugh at, No matta befo time I wen call out to God an he ansa me. Now dey laugh at me, No matta I do wass right an no mo da blame fo dat!

Job 2:1

Anodda time, da ones dat live wit God come fo stan in front Da One In Charge fo lissen wat he like um do. An da Guy Dat Stay Agains God come wit dem too fo stan in front Da One In Charge.

Job 2:3

Den Da One In Charge tell Da One Dat Stay Agains God, “Wat you tink bout my worka guy Job? No mo nobody on top da earth stay jalike him. He one guy no mo nobody poin finga him. He erytime do da right ting. He get awesome respeck fo me, God, an he stay away from da bad kine stuff. An he still yet come mo strong fo do stuff dat no mo nobody poin finga him, no matta you wen try make me mess him up fo notting.”

Job 34:14

If he make plan fo take back his Spirit an his breat,

Job 8:20

“Fo shua, God no throw out da peopo dat no mo blame. But he no help da bad guys come strong.

Songs 18:23

In front God, no mo nobody can poin finga me, I make shua I no do notting bad fo him punish me.

Songs 34:14

No go do bad kine stuff. Ony do good kine stuff. Work hard fo be frenz wit erybody.

Songs 36:1

Wen peopo go agains God, Dat make da peopo tink lidis: “Da way us guys see um, No need come sked a God!” Dis, jalike da bad kine stuff Talk to dem inside.

Songs 37:27

Get away from da bad kine stuff, An do good. Den you goin live on top da land Da One In Charge give you, foeva.

Songs 84:11

Cuz oua God, Da One In Charge, He show us guys wea fo go Jalike wen da sun shine. An he proteck us guys Jalike one shield. He like do plenny fo us guys, An he make us come mo awesome. Da One In Charge, He no goin hold back notting good From da peopo dat stay do wass right.

Songs 89:20

I wen go find David, An he work fo me. I wen put da oil dat stay spesho fo me On top his head, Fo show I wen pick him.

Smart Guys 8:13

(You know, if you sked wen you go In front Da One In Charge Cuz he so awesome, Dat mean, wen somebody do bad kine stuff, you no like dat.) Wen peopo get big head, O wen dey come high makamaka, O wen da way peopo live, dey ony like ack bad, O wen dey tell stuff fo try trick you, I no like dat too.

Isaiah 1:16

Wash! Go come clean inside! Throw out all da bad kine stuff you stay do. No do wass wrong no moa, Dass right; no do um no moa!

Isaiah 42:1

Da One In Charge tell, “Dis da guy dat work fo me. I kokua him. He da guy I pick awready. I feel good inside cuz a him. My Spirit stay inside him. He goin do wass right Fo all da peopo inside da diffren countries.

Ezekiel 40:4

Da guy tell, “Eh! Fo Real Kine Guy! Look good wit yoa eyes an lissen good wit yoa ears. Look real good at eryting I goin show you. Az why God wen bring you ova hea fo see dat. Tell da Israel peopo Babylon side eryting you goin see dea!”

Census 12:3

(You gotta know dat dis Moses guy erytime make um so he come las, mo den all da odda peopo on top da earth.)

John 1:47

Jesus spock Natanael stay come by him, an he tell, “Dis guy one fo real kine Israel guy. No mo notting fake inside him! He erytime tell da trut.”

Joshua 1:2

“My helpa Moses mahke. So now, you an all da Israel peopo get ready fo cross da Jordan Riva, an go inside da land dat I stay ready fo give you guys.

Joshua 1:7

But you betta stay real strong an no lose fight fo shua! Make shua you do eryting my helpa Moses wen tell you fo do. No do um diffren, not even litto bit. Den eryting goin go good fo you guys, wea eva you go.