Job 1:18 - Hawaii Pidgin Bible

¹⁸ Befo da odda guy pau talk, anodda messenja guy come. He tell, “Yoa boys an girls stay make one big luau, an drink wine inside dea mos ol braddah house.

Job 1:18 ပူးပေါင်းရင်းမြစ်များ

2 Samuel 13:28

At da party, Absalom tell his guys, “Watch Amnon! Wen he get piloot from da wine, I goin tell you guys wack um! Kill um! No sked! I da one wen tell you guys fo do dis. Come strong, jalike you army guys!”

Job 1:13

One day, Job boys an girls stay make one big luau an drink wine inside dea mos ol braddah house.

Job 1:17

An befo dat guy pau talk, anodda messenja guy come. He tell, “Da Kaldea guys make three gangs fo jump yoa camels an take um away. Dey kill yoa worka guys! Me, I da ony one dat get away fo come tell you dis!”

Job 1:19

An right den an dea, one tornado kine wind come from da odda side a da boonies, an hit ery side a da house! Da house fall down on top da young guys, an dey all mahke! Me, I da ony one dat get away fo come tell you dis!”

Job 1:4

Dis how Job stay away from do bad kine stuff: His boys take turns fo make one big luau inside dea houses, one afta da odda. An dey tell dea three sistahs fo come eat an drink wit dem.

Job 16:14

Ova an ova he broke down my wall. He run ova me jalike he one strong army guy!

Job 23:2

“Fo shua, today I still goin squawk, An I goin soun jalike I go agains God, An suffa even if I moan.

Job 27:14

No matta how plenny kids dey get, dey all goin get kill wit swords. Dea kids no goin get enuff fo eat, eva!

Job 8:4

Gotta be, yoa kids wen do bad kine tings God tell um not fo do! Az why he punish dem fo da bad kine stuff dey wen do.

Songs 34:19

Get plenny bad tings happen To da peopo dat stay do da right ting. But Da One In Charge Goin get um outa all dat.

Teacha 9:2

Same ting goin happen to erybody—da peopo dat do wass right, an da peopo dat do wass wrong, da good guys an da bad guys, da ones dat can go in front Da One In Charge an da ones dat no can, da peopo dat make sacrifice, an da peopo dat no make sacrifice. Wateva happen fo da guy dat do good kine stuff, Same ting happen fo da guy dat do bad kine stuff. Wateva happen fo da guy dat make one strong promise, Same ting fo da guy dat stay sked fo make um.

Isaiah 28:19

Goin get plenny army guys Dat stay come thru hea Ery morning, ery day, an ery nite, Jalike erytime da big watta come, An catch you guys an take you away.” Wen da peopo undastan wat dis mean, Dey goin be fo real kine sked an shaking.

Jeremiah 51:31

One messenja guy come, den anodda, den anodda, Fo tell da Babylon king all da bad kine stuff dat stay happen. Dey tell um: ‘Get plenny army guys take ova yoa big town awready, From one side to da odda side!

Sad Song 1:12

“Eh! All you guys dat stay go by hea, You guys no kea, o wat?! Look aroun an see. No mo nobody stay suffa jalike I stay suffa. Da One In Charge bring dis hard time on top me, Wen he come real huhu.