Job 1:10 - Hawaii Pidgin Bible

¹⁰ You da one wen put jalike one fence all aroun him an his ohana, an aroun eryting he get. You stay make eryting he do come good, fo his sheeps an cows go all ova da land.

Job 1:10 ပူးပေါင်းရင်းမြစ်များ

Start 15:1

Afta Abram get Lot outa trouble, anodda ting happen. Abram see someting jalike in one dream, but he not sleeping. God, Da One In Charge, tell um dis: “No sked, Abram! I no goin let nobody hurt you. I jalike one shield fo you. I goin be yoa God An pay you plenny bumbye!”

Start 26:12

Dat year, Isaac plant seeds inside da Gerar land. An from ery bag wheat seeds dat Isaac plant, he get hundred bag wheat! Da One In Charge give him da powa fo do plenny,

Start 30:30

Befo I come hea, you ony had litto bit, you know, but now you get plenny. Ery place I go, Da One In Charge make eryting come out good fo you. But, wat bout me? Az time awready fo me do someting fo my ohana peopo now.”

Start 30:43

Dass how Jacob come real rich, wit plenny sheeps an goats, an plenny camels an donkeys, an plenny slave guys an wahines dat work fo him.

Start 39:5

From da time da Egypt guy put Joseph in charge, Joseph God, Da One In Charge, make eryting come out real good, inside da house, inside da fields, an eryting Potifar own cuz a Joseph.

Start 49:25

God, he da God fo me, yoa faddah guy. I like fo God help you, Joseph, I like fo Da God Wit All Da Powa do good tings fo you. I like fo him make good kine stuff come down from da sky fo you, An good kine stuff from deep unda da groun, An give you plenny kids An plenny bebe animals!

Job 1:3

He own seven tousan sheeps three tousan camel, five hundred pair cows, an five hundred donkey. He get plenny guys work fo him. From all da peopos from da east side, he da mos importan guy.

Job 29:2

“Fo shua, I like how was dat time dat awready wen happen! Jalike da days wen God wen take kea me!

Job 29:6

Wen my cows give plenny milk, An da stone press fo olives pour out plenny oil fo me jalike streams.

Job 31:25

I no feel real good inside cuz I get plenny rich kine stuffs, An cuz I tink dat was me wen bus ass fo get all dat.

Job 42:12

Da One In Charge do plenny good tings fo Job afta dat, mo den befo time. He get fourteen tousan sheeps, six tousan camels, one tousan pair cows, an one tousan donkeys.

Songs 107:38

God do good tings fo dem, An dey come choke plenny peopo. God no cut down da numba a dea animals.

Songs 34:7

You know wat? Da One In Charge, He sen his angel guy Fo stay all aroun da peopo Dat stay sked a him An get respeck fo him. Da angel guy get um outa trouble!

Songs 5:12

Eh! You Da One In Charge! Dis fo shua: Anybody dat stay do da right ting, You make um so eryting go good fo dem. All aroun dem you make good tings happen Jalike you put one shield aroun dem Fo notting hurt dem.

Songs 71:21

You goin make me come One mo importan guy den befo time. You goin make me Stay good inside, one mo time.

Songs 80:12

So, how come you let us guys Come all bus up?! Dass jalike you wen broke down Da walls aroun da grape plant Fo erybody dat go by dea steal da grapes!

Songs 90:17

Eh God! You da Boss fo us guys! We like you make real nice To us guys! Da work us do, Make um come out good. Az right, make all dat work we do Come out good!

Smart Guys 10:22

Wen Da One In Charge do good tings fo peopo, He give dem plenny good stuff. He no give problem same time.

Isaiah 5:2

He dig up da groun, Take away all da stones dea, An plant good kine grape plants. He build one towa in da middo Wea his worka guys can watch um. He even cut da stone one place nea dea Fo step all ova da grapes Fo press out da juice fo make wine. He wen wait fo da good grapes get fruit. But wat wen come out was real sour kine grapes.

Isaiah 5:5

“Now, I goin tell you guys Wat I goin do wit my grape field! I goin take away da hedge from aroun um, Fo da cows come inside an eat wat stay dea. I goin broke down da wall aroun um Fo odda guys go inside an bus um up.

Zekariah 2:5

But me, I da One goin be jalike one fire all aroun da town, jalike one wall! Wen I stay inside da town, goin be awesome!’ ” Dass wat Da One In Charge tell.

Zekariah 2:8

Dis wat Da One In Charge, Da God Ova All Da Armies, tell: “Afta da Awesome One sen me fo go afta da peopos dat wen rip off you guys, dose peopos goin get it! Cuz da one dat hurt you guys, jalike az my spesho peopo dat he hurt—an he goin get hurt jalike wen he poke da middo a his eye.

Rules Secon Time 33:11

Da One In Charge, make eryting da Levi ohana do come out good. Stay good inside bout da work dey do wit dea hands. Cut down da peopo dat go agains dem. So da ones dat hate dem no can make lidat one mo time.”

Rules Secon Time 33:27

Da God dat stay from befo time, He take kea you guys. Undaneat you guys, get his arms dat stay foeva. He goin throw out da peopo dat stay agains you guys. He goin tell, ‘Go wipe dem out!’

Rules Secon Time 7:13

He goin get love an aloha fo you guys, an do good tings fo you guys, an make you guys come plenny peopo. He goin do good tings fo yoa kids, same ting fo da food dat grow from yoa land—yoa wheat an barley, yoa new wine, yoa olive oil—da bebe cows, an da bebe sheeps an goats. Dass how goin stay inside da land dat he wen make da strong promise to yoa ancesta guys fo give you.

1 Peter 1:5

You guys trus God, an he get plenny powa fo proteck you guys. He take kea you guys, an he no let nobody hemo you guys from him. Wen da las day come, he goin show how he wen get you guys outa da bad kine stuff you wen do.

1 Samuel 25:16

Nite time an day time, dey stay guard us guys, jalike dey one wall aroun us, all da time we stay take kea oua sheeps nea dem.