Jeremiah 9:20 - Hawaii Pidgin Bible20 Now, you wahines, lissen up wat Da One In Charge tell! Open yoa ears fo hear! Teach yoa girls how fo cry. Teach each odda da funeral songs. အခန်းကိုကြည့်ပါ။ |
Jeremiah 9:20
15 ပူးပေါင်းရင်းမြစ်များ
An da peopo dat lissen dem, dey goin mahke too inside Jerusalem, cuz dey no mo food, an da army guys goin kill dem wit swords too. Da army guys goin throw out da mahke bodies on top da streets. No goin get nobody fo bury dem, o dea wifes bodies, o dea boys bodies, o dea girls bodies. I goin make all da bad kine stuff dey do happen to dem.
But you Da One In Charge, An you tell ‘Laytas’ to wat dey do, An I feel da same ting! Az why I gotta tell someting!” Da One In Charge tell me: “Tell erybody I stay huhu wit dem! Jalike you stay dumping watta all ova da place! Tell da kids in da street, An da young guys dat hang out togedda! Tell da husbans an wifes, Even da real ol peopo too!
“ ‘Eh you Jerusalem peopo! Cut yoa hair an make bolohead fo show you stay sad inside. Cut um off an throw um away. Go da trails on top da mountains wea no mo notting grow, An sing one sad song dea. Cuz Da One In Charge had it wit his peopo. He dig out awready from da peopo dat stay hea now. He throw um out cuz he stay real huhu wit dem.’ ”
Dey goin put da bones on top da groun so da sun, da moon, an all da stars inside da sky goin shine on top um cuz da sky kine gods, az da ones da Jerusalem peopo get love an aloha fo an work fo. Dey follow da sky kine gods, an dey aks um wat fo do, an dey go down in front um fo show um respeck. No mo nobody goin pick up da bones fo bury um. Dey goin stay on top da groun jalike dey rubbish.
ကြော်ငြာတွေ