Jeremiah 9:16 - Hawaii Pidgin Bible

¹⁶ I goin let plenny diffren peopos make da Israel peopo prisonas—da kine peopos dey donno. Da Israel peopo ancestas, dey neva know bout um befo time too. I goin sen peopo fo chase um wit swords till I wipe dem out.’ ”

Jeremiah 9:16 ပူးပေါင်းရင်းမြစ်များ

Nehemiah 1:8

“No foget wat you wen tell yoa worka guy Moses. You tell um: ‘If da way you guys ack show I no can trus you, den I goin make you guys scatta all ova da place fo live unda all da diffren peopos.

Songs 106:27

He promise dat he goin make da peopo Dat goin come from dem bumbye Run away all ova da place, To all da diffren lands, An fall down an mahke ova dea Wit da diffren peopos.

Teacha 12:5

No foget da One dat wen make you, Wen peopo come sked a high places, An stay sked wat can happen on top da streets. An wen da almond tree get flowa, An da grasshoppa move slow, An no mo powa fo sex, Cuz dass da time peopo go da place wea dey goin stay foeva. An da peopo dat stay sad inside fo dem go aroun to dea funeral.

Jeremiah 13:24

Dis one message from Da One In Charge: “I goin make you guys go all ova da place. Jalike da wind from da boonies dat blow da junks from da wheat all ova da place.

Jeremiah 24:10

I goin make war come to dem, I goin take away dea food, an goin sen one bad kine sick fo hurt dem till dey all come wipe out from da land dat I wen give to dem an dea ancesta guys.”

Jeremiah 25:27

Den Da One In Charge tell me: “Now tell um, ‘Dis wat Da One In Charge, da God Ova All Da Armies, da God fo da Israel peopo, tell: Go drink plenny from da cup. Come piloot an puke an fall down so you no can stan up no moa, cuz I goin sen armies fo wipe out you guys.’

Jeremiah 29:17

Dis wat Da One In Charge tell, “I goin sen war agains da ones dat stay hea inside Jerusalem. Dey no goin get food, an dey goin get one bad kine sick, cuz I stay agains dem. I goin make to dem jalike dey rotten kine figs, dat stay real bad, fo no mo nobody eat um.

Jeremiah 44:27

I watch dem real good. So den watevas dey do wrong, I goin bus um up, an no do good kine stuff fo dem. All da Jews Egypt side goin mahke cuz a da war an cuz no mo food, till no mo nobody goin stay alive.

Jeremiah 7:29

“ ‘Eh you Jerusalem peopo! Cut yoa hair an make bolohead fo show you stay sad inside. Cut um off an throw um away. Go da trails on top da mountains wea no mo notting grow, An sing one sad song dea. Cuz Da One In Charge had it wit his peopo. He dig out awready from da peopo dat stay hea now. He throw um out cuz he stay real huhu wit dem.’ ”

Jeremiah 8:19

Lissen how da peopo dat I get love an aloha fo Cry fo me help um From da lands dat stay far away. Dey tell: ‘Da One In Charge, he no stay Mount Zion, o wat? No mo da King ova dea, o wat?’ ” Da One In Charge tell, “Dey try make me come huhu Cuz a dea idol kine gods, Dea gods from anodda place dat good fo notting?”

Ezekiel 11:17

“Az why you gotta tell: ‘Dis wat Da One In Charge, da Boss, tell: I goin bring you guys back togedda from dose nations. I goin bring you guys back from da lands wea you guys stay scatta all ova da place. I goin give you guys back da Israel land one mo time.’

Ezekiel 12:15

“Dey goin know dat me Da One In Charge wen I scatta dem to da diffren peopos.

Ezekiel 14:17

“O maybe I bring war agains dat land an I tell da army guys come wipe out eryting. An I kill all da peopo an da animals.

Ezekiel 20:23

An I wen make one strong promise inside da boonies dat I goin scatta dem all ova wea da odda peopos live.

Ezekiel 27:2

“Eh! You, Fo Real Kine Guy! Sing one sad song bout Tyre town.

Ezekiel 5:12

One third you guys goin mahke inside da town cuz dey goin come sick real bad kine, o dey no mo notting fo eat. One third you guys goin mahke from da sword fight outside da town. An one third you guys I goin scatta all ova da place. Den I goin pull out my sword an go afta dem.

Ezekiel 5:2

Afta you pau make jalike you goin take ova Jerusalem, take one pile hair an burn um in da middo part a da Jerusalem map. Den take anodda pile, put um all aroun da map an chop um up wit da sword. An throw da odda part up fo da wind blow um all ova. Az cuz I goin pull out my sword an go afta dem.

Prieses 26:33

I goin make you guys go all ova da place wea all kine peopos stay. I goin take out my sword an go afta you guys. You guys land goin come good fo notting, an yoa towns, goin come all bus up.

Amos 5:16

“Cuz a wat you guys wen do, dis wat my God, Da One In Charge, tell—he my Boss, da God Ova All Da Armies: “ ‘Inside ery town, goin hear peopo crying fo you guys. Ery open place, ery street, da peopo goin yell, “Bummahs! Bummahs!” Dey even goin tell da farm worka guys Fo go town fo go da funeral, an cry fo you guys cuz you mahke. Da peopo dat know how fo sing da funeral songs, Dey goin pay um fo yell plenny fo you guys afta you mahke.

Micah 2:4

Dat time, peopo goin sing one song bout you guys. Dey goin make fun a you guys. Dey goin ack jalike dey cry an make long face. Dey goin sing dis sad song: ‘Da One In Charge split up oua property! He take away da land from oua peopo! Now us no mo notting! He give oua fields to da guys dat wen make us prisonas!’ ”

Zekariah 7:14

An I scatta dem jalike wit one tornado, so dey gotta go wea all da odda nations stay. An no mo nobody know dem ova dea. Inside dea land, no mo peopo. Az why no mo nobody like come dea, an no mo nobody go way from dea. Az how dey make dis nice land come one place wea no mo nobody stay!”

Rules Secon Time 28:25

“Da One In Charge goin make da peopo dat stay agains you guys win ova you. You goin go fo attack dem from one place, but run away from dem to seven places. Peopo in all da diffren countries on top da earth goin come bum out wen dey tink bout you guys.

Rules Secon Time 28:36

“Da One In Charge goin make you an da king you wen put ova you go by anodda nation dat you guys an yoa ancestas neva know befo time. Ova dea, you guys goin go down in front odda gods dat peopo make from wood an stone.

Rules Secon Time 28:64

“Den Da One In Charge goin make you guys go all ova wea diffren peopos stay, from one side a da world to da odda side. Wen you go dea, you guys goin go down in front odda gods, da kine gods dey make from wood an stone. You guys an yoa ancestas neva know dat kine gods befo time.

Rules Secon Time 32:26

I wen tell dat I goin scatta dem all ova da place, An all da peopo in da world goin foget who dem.

Rules Secon Time 4:27

Den Da One In Charge goin make you guys go all ova inside odda peopos land, an ony litto bit a you guys goin stay alive ova dea wit da odda peopos, wea Da One In Charge goin make you guys go.

James 1:1

Aloha! Dis me, James, da guy dat work fo God an fo Jesus Christ, Da One In Charge. I stay write dis letta fo God peopo from da twelve Jew ohana, dat stay scatta all ova da world.