Jeremiah 8:5 - Hawaii Pidgin Bible

⁵ So! How come dese peopo stay go da wrong road? How come da Jerusalem peopo erytime no come back by me? Dey stay tight wit bulaia kine gods. Da Jerusalem peopo tell, ‘Us guys no goin go back!’

Jeremiah 8:5 ပူးပေါင်းရင်းမြစ်များ

Smart Guys 4:13

I stay teach you wass right, So hang in dea. No go way from dat teaching. You betta stick wit um, Cuz az how you goin live fo real kine.

Isaiah 1:20

But if you no lissen an no like do wat I tell you fo do, Den odda peopo goin come wit dea swords An wipe out you guys. Cuz az me, Da One In Charge, Da Boss, dat tell dis.”

Isaiah 30:10

Dey tell da guys dat can see Wass goin come bumbye, jalike one dream, ‘No see stuff wen you dream!’ Dey tell da guys dat talk fo God, ‘No tell us wat God tell Bout wat stay right! Tell us ony da kine stuff dat make us feel good inside. Tell us dat God tell all nice kine stuff, No matta az not true!

Isaiah 44:20

Jalike he stay eat ashes. His head all jam up An make um tink da wrong way. He no can get outa trouble Az why he no mahke. He no can tell, ‘Dis ting in my hand stay bulai me!’

Jeremiah 14:7

Den dis how us guys pray: “I know us guys wen do wass wrong, An az why all dis stuff happen. You Da One In Charge. Try do someting fo show wat kine god you, Cuz us guys wen run away from you An do plenny bad kine stuff agains you.

Jeremiah 2:32

You guys tink one young wahine goin foget her jewelry? You tink one bride goin foget her wedding clotheses? But still yet my peopo foget me Ova an ova.

Jeremiah 3:5

You goin stay huhu all da time, o wat?! You goin stay huhu till eryting pau?!’ Az right, how you guys stay talk all da time! But still yet, you guys stay do All da bad kine stuff you like do.”

Jeremiah 5:27

Dey fill up dea houses wit all kine stuff Cuz dey bulai peopo fo get um. Dis jalike one bird catcha dat fill up cages wit birds. Dey come importan an rich.

Jeremiah 5:3

Jeremiah tell, “Eh! Da One In Charge, fo shua you look Fo peopo you can trus, aah?! But dese Jerusalem guys, even wen you wack um, Still yet, dey neva feel bad cuz a dat. You wen smash um, But no way dey goin learn fo do wass right. Dey hard head, jalike one rock. Az why dey no like change dea mind An come sorry fo da bad kine stuff dey wen do.

Jeremiah 5:6

Az why da lions from da fores Goin attack dem. Da wild dogs from da up country boonies goin wipe um out. Da leopards goin wait fo dem nea da towns Fo jump whoeva go outside. Dis goin happen cuz dey go agains me ova an ova, An dey go da wrong way plenny times.’ ”

Jeremiah 6:17

I wen pick watcha guys fo take kea you guys. I wen tell um, ‘Make shua you guys lissen Wen dey blow da sheep horn trumpet Fo tell da peopo watch out!’ But you guys tell, ‘Us no goin lissen!’

Jeremiah 6:19

Lissen, all you peopo on top da earth! Dis wat I stay do: I stay make bad kine stuff happen to dis peopo. Da same ting dey make plan fo do, goin happen to dem, Cuz dey no bodda fo lissen wat I tell dem. Dey hate my rules.

Jeremiah 9:6

Wea you live, erybody bulai erybody. An cuz dey bulai, No way dey goin tell dat I dea God.” Az da message from Da One In Charge.

Daniel 9:11

All da Israel peopo wen make deaf ear fo da rules you wen teach, an go da odda way from you, an tell dat dey no goin lissen you. “Az why, jalike you wen drop on top us guys all da bad tings dat Moses yoa worka guy wen write down inside da rules. You wen make one promise dat dese bad tings goin happen if us guys no do da tings we wen make one deal wit you fo do. All dat bad stuff stay happen to us cuz we do bad kine stuff agains you.

Hosea 11:5

“But my peopo tell ‘Laytas!’ fo come back to me Cuz dey like, dey goin go back Egypt side! Oddas goin let da Assyria king come dea leada! Az cuz dey no change dea mind.

Hosea 11:7

My peopo go all out fo tell ‘Laytas’ to me. Even wen dey call me Da Mos Importan God, Dey no mo respeck fo me.

Hosea 13:2

Now, dey stay do bad kine stuff mo an moa. Dey cova idol kine gods wit dea silva. Dey know how fo make um real good. But dass ony peopo dat make um. Odda peopo talk bout dem. Dey tell, “Dose peopo dat make da sacrifices to odda gods, Dey kiss da bebe cow statues.”

Hosea 4:16

Da Israel peopo, dey hard head. Jalike one young hard head girl cow. So den, how Da One In Charge goin lead da Israel peopo To one big grass field, jalike dey bebe sheeps?! No can!

Zekariah 7:11

“But dat time, da peopo no like lissen. Dey hard head, an dey turn dea back, an cova up dea ears fo no lissen.

John 5:40

An you guys, you no like come by me an be my guys fo you guys get da real kine life dat goin stay to da max foeva!

1 Tessalonika 5:21

Mo betta, go check out eryting, den stay tight wit da good stuff.

Hebrews 12:25

Eh, you guys! Make shua you lissen God, da One stay talking. Da Israel peopo, dey neva like lissen Moses. He da guy hea inside da world dat wen tell dem wat God tell. But cuz dey neva lissen, God wen punish dem. Dat mean, us guys goin get it even moa, if we no lissen da One from da sky wen he stay talk to us!

Jesus Show 2:25

Jus hang in dea an trus God real good, till I come back.’ ”