Jeremiah 8:21 - Hawaii Pidgin Bible

²¹ Da peopo I love, dey all bus up. Az why me too, I stay all bus up inside. I stay real bum out an real sked.

Jeremiah 8:21 ပူးပေါင်းရင်းမြစ်များ

Nehemiah 2:3

But I tell da King, “You da King, an I like you stay live foeva! But how I can stan hea an no stay sad?! Cuz da big town wea my ancesta guys stay bury, stay all bus up. Da main gates fo da town, all burn down.”

Jeremiah 14:17

“Tell um dis: ‘Let me cry plenny fo you guys Day time an nite time. I cry fo my peopo Cuz I love dem Jalike I love my young girl, Cuz dey all bus up an hurt bad!

Jeremiah 14:2

“Da Judah peopo stay sad inside. Da big towns no mo biznis. Da peopo sit on top da groun An cry bout da land, jalike get one funeral. All da Jerusalem peopo stay yell fo help.

Jeremiah 17:16

“But me, I neva bag from yoa sheeps Fo take kea dem. I neva like see da time come Wen nobody can handle wat you do to dem. An you, you know dat eryting I tell, I tell um in front you.

Jeremiah 4:19

Den Jeremiah tell, “Bummahs! I suffa plenny! I plenny sore cuz I hurt inside. My heart stay poun hard inside, I gotta tell someting! Cuz I hear da soun from da trumpets fo start fo fight! I hear da army guys yell!

Jeremiah 8:20

Jeremiah tell, “Da time fo harves da food come awready. Da summa fruits, pau awready. But no mo nobody get us guys outa trouble yet.

Jeremiah 9:1

I like my head come jalike one spring fo watta, An my eyes jalike one fountain fo my tears come out! Cuz I like cry plenny, day time an nite time, Cuz plenny peopo get kill, an dey my peopo.

Sad Song 3:1

I one guy dat wen suffa plenny, Cuz Da One In Charge stay real huhu wit me.

Joel 2:6

Wen da nations spock um, dey come real sked. Dea peopo no can handle!

Nahum 2:10

Da army guys goin rip off all da Nineveh peopo stuffs fo shua! Da Nineveh peopo lose fight an come bum out. Dey stay sked an shaking. Erybody look sked.

Luke 19:41

Jesus come nea Jerusalem an look da town, an he cry.