Jeremiah 8:19 - Hawaii Pidgin Bible

¹⁹ Lissen how da peopo dat I get love an aloha fo Cry fo me help um From da lands dat stay far away. Dey tell: ‘Da One In Charge, he no stay Mount Zion, o wat? No mo da King ova dea, o wat?’ ” Da One In Charge tell, “Dey try make me come huhu Cuz a dea idol kine gods, Dea gods from anodda place dat good fo notting?”

Jeremiah 8:19 ပူးပေါင်းရင်းမြစ်များ

Songs 135:21

Good fo erybody stan hea On top Zion Hill an tell Da One In Charge dat he good! Tell dat to da one dat live hea Inside Jerusalem town! All you guys! Tell good tings Bout Da One In Charge!

Songs 137:1

Us wen sit down By da rivas Babylon side An cry plenny, Cuz we tink plenny bout how Jerusalem town stay all bus up.

Songs 146:10

Da One In Charge, He goin stay king foeva! You peopo dat go Mount Zion Fo pray to God, Yoa God stay king fo da peopo Dat stay alive now, An fo all da ones Dat goin come from dem bumbye! Eh you guys! Tell good tings Bout Da One In Charge!

Songs 149:2

Eh you Israel peopo! Show how good You feel inside, Cuz Da One In Charge Wen make you guys! You peopo dat come togedda fo pray On top Mount Zion, Go dance an sing, Cuz you get Da One In Charge Fo yoa king!

Songs 31:6

Da peopo dat pray To da idol kine gods dat worth notting, I hate dat kine peopo! But Da One In Charge, I stay trus you.

Isaiah 1:4

Ho! Erybody from inside dea Stay do plenny bad kine stuff, Gotta punish um fo teach um. Dem an dea braddahs, dey no do right kine stuff, Dey da kine peopo dat like bus up eryting! Dey go way from Da One In Charge. Dey hate da God fo da Israel peopo dat stay good an spesho. Jalike dey no like lissen an stay turn dea back on him.

Isaiah 12:6

Yell loud! Yell cuz you guys feel good inside, All you peopo dat live inside Jerusalem town! Cuz da Good An Spesho God fo da Israel peopo Stay wit all you guys, Az why you know he da greates!”

Isaiah 13:5

His army guys all stay come from one far place, From unda da mos far part a da sky. Az Da One In Charge stay coming wit dem, An he goin use dat army Fo punish da peopo he stay huhu wit. Da One In Charge goin wipe out da whole land!

Isaiah 33:22

Da One In Charge, he oua Judge. Da One In Charge, he da One give us guys oua rules. Da One In Charge, he da king fo us guys. He da One goin get us outa trouble.

Isaiah 39:3

Den Isaiah, da guy dat talk fo God, go by King Hezekiah an aks him, “Wat dose guys tell? Wea dey come from?” Hezekiah tell, “Dey come by me from one far place, from Babylon.”

Isaiah 52:1

Wake up! Wake up, you Jerusalem peopo! Come strong, An put on yoa fancy kine clotheses! Cuz yoa town, da one God make spesho fo him! Da guys dat no mo cut skin mark Fo show dey God peopo, An da ones dat do stuff dat make um So dey no can pray, Dey no goin go inside Jerusalem one mo time.

Jeremiah 10:15

Dey no worth notting. Can ony make fun a dem. Wen dey go stan in front da Judge, He goin wipe dem out.

Jeremiah 14:19

You Da One In Charge fo real kine! So how come you make deaf ear to da Judah peopo?! You hate da Jerusalem peopo, o wat?! How come you wack us guys Fo us no come good, aah?! We wait fo eryting come okay an no mo war, But notting good stay happen. We wait fo tings come good, But we ony stay real sked.

Jeremiah 14:9

How come you ack Jalike you donno wass happening?! How come you ack Jalike one army guy dat no can get us outa trouble?! You stay right hea wit us, Da One In Charge. Erybody know dat us guys yoa peopo. So no leave us!”

Jeremiah 2:5

Lissen wat he tell, “How come yoa ancesta guys tell ‘Laytas!’ to me?! Wot?! Dey tink I wen do someting wrong, o wat?! Dey wen pray to da idol kine gods dat good fo notting. Az how come yoa ancesta guys come good fo notting too.

Jeremiah 27:10

Cuz wen dey tell you wat dea gods tell you, dey bulai. An cuz a dat, peopo goin bring you guys far away from yoa land. I goin kick out you guys, an you guys goin come wipe out.

Jeremiah 31:6

Goin come one time Wen da security guard guys On top da hills Efraim side Goin yell lidis: ‘Go come! fo us go Mount Zion Fo talk to oua God, dass Da One In Charge a us, Jerusalem side.’ ”

Jeremiah 32:30

“Fo shua, from da start da Israel peopo an da Judah peopo stay do ony bad kine stuff, da way I see um. Fo shua, da Israel peopo piss me off bout da idol kine gods dey make wit dea hands.

Jeremiah 7:19

But you tink I da One dey hurt?! No way! Dey ony make lidat fo dem come shame. Dey hurt ony dem wen dey do dat. Az da message from Da One In Charge.

Jeremiah 8:20

Jeremiah tell, “Da time fo harves da food come awready. Da summa fruits, pau awready. But no mo nobody get us guys outa trouble yet.

Jeremiah 9:16

I goin let plenny diffren peopos make da Israel peopo prisonas—da kine peopos dey donno. Da Israel peopo ancestas, dey neva know bout um befo time too. I goin sen peopo fo chase um wit swords till I wipe dem out.’ ”

Ezekiel 48:35

“Fo go aroun da big town goin be six mile. An from dat time, da name fo da big town goin be Da One In Charge Stay Hea.”

Joel 2:32

An den, erybody dat call to Da One In Charge fo help um Cuz dey know wat kine god him, He goin get dem outa trouble. Cuz Da One In Charge wen tell dis awready: “On top Mount Zion an inside Jerusalem, Goin get some peopo dat no mahke still yet,” Da ones dat still stay alive, dey da ones Da One In Charge call fo come.

Joel 3:21

I neva punish da Egypt guys an da Edom guys, Da ones dat wen make my peopo bleed an mahke. But now I goin punish dem! Me, Da One In Charge, Goin live on top Mount Zion, My spesho place!”

Obadiah 1:17

But on top Mount Zion, da hill dat stay spesho fo me, I goin get my peopo outa trouble. Den Mount Zion goin come spesho fo me An da Jacob ohana goin take back dea property.

Micah 4:9

How come now you guys cry lidat? You guys no mo king, o wat? All da smart guys dat tell you guys wass good fo you do, Dey all gone, o wat? How come you guys squirm an suffa Jalike one wahine dat stay born one bebe?

Zefaniah 3:15

Cuz Da One In Charge no goin punish you guys. He wen make da peopo dat stay agains you go way. Da One In Charge, da king fo us Israel peopo, he stay wit you guys! No sked dat one bad ting goin happen one mo time!

Zekariah 2:9

Fo shua, I goin pay dose guys back an make dea slave guys rip dem off.” Den you guys goin know dat Da One In Charge, Da God Ova All Da Armies, wen sen me, Zekariah.

Jesus Guys 14:15

“Eh you guys! How come you guys do all dis? Us ony peopo jalike you guys too! We come fo tell you guys da Good Stuff From God. We tell you guys ‘Turn away from all dis no good stuff, an look to da God dat stay alive foeva. He da God dat make da sky, da earth, an da ocean, an eryting inside um.

Rules Secon Time 31:17

Da time wen dat happen, I goin come huhu wit dem, an leave dem behind. I goin hide my face from dem, an I goin wipe dem out. Plenny trouble goin happen to dem an hard time goin come. Dat time, dey goin tell, ‘Fo shua, us guys get all dis bad kine stuff happen cuz oua God no stay wit us, aah?’

Jesus Show 2:1

Den da One I wen see tell me, “Da messenja guy I wen sen fo help da peopo dat come togedda fo church Efesus side, write one letta to him, an tell um dis: “Da One dat hold da seven stars inside his right hand, an walk aroun wea get da seven gold stans fo put lamps on top, dis wat he tell: