Jeremiah 8:17 - Hawaii Pidgin Bible

¹⁷ Dis da message from Da One In Charge: “Dis wat I goin do. I goin sen da army guys all ova wea you guys stay live, Dey jalike poison snakes! No mo nobody can make dem come tame. Dey jalike snakes, an dey goin bite you guys!”

Jeremiah 8:17 ပူးပေါင်းရင်းမြစ်များ

Songs 58:6

Eh God! Punch out da teet Inside dese bad leada guys mout! Eh! You Da One In Charge! Dem guys, dey jalike young lions, So go pull out dea big teet!

Teacha 10:11

If one snake bite you Befo da guy dat train snakes teach um fo no bite, Den da snake guy no goin earn notting.

Isaiah 14:29

Eh! All you Filisha peopo! You betta not stay good inside cuz you tink lidis, “Da king fo da Assyria peopo dat wen bus us guys up, He mahke, an now dey no mo powa!” But da king guys dat goin come Afta da Assyria king mahke Goin be mo worse den him! Cuz jalike you kill one snake, Anodda snake goin come from da firs one Dat can kill you wit poison. An you kill dat one, An goin get anodda snake come from dat one Dat can fly an catch you an bite you.

Amos 5:19

Fo you guys, goin be jalike dis—you go run away from da lion, An anodda kine wild animal goin catch you from da odda side! Den you go inside yoa house, An put yoa hand on top da wall fo res, An da snake bite you!

Amos 9:3

No matta dey go all da way on top Mount Carmel An hide ova dea fo nobody see um, I goin find um an drag um back. No matta dey stay hide from me on da bottom a da ocean, I goin tell da big sea monsta wat fo do An he goin go afta um an bite um.

Census 21:6

Den Da One In Charge sen poison kine snakes by dem. Dea poison, sore jalike da fire. Dey bite da peopo, an plenny Israel peopo mahke.

Rules Secon Time 32:24

I goin make dem come skinny Cuz dey no goin get food. Dey goin get one real bad kine sick Dat make dem feel jalike da sick stay eat um up. I goin make um feel real bad Befo I wipe um out! I goin tell da wild animals fo bite dem, An sen da poison kine snake Dat crawl aroun on top da dirt.

Jesus Show 9:19

Da mout an da tail, dass wea da horses get dea powa. Dea tail jalike da snakes wit head an mout fo bite da peopo, an make um suffa.