Jeremiah 8:16 - Hawaii Pidgin Bible

¹⁶ From da Dan ohana land north side We hear da noise From da horses dat da army guys use dat stay agains us! Wen dea strong horses make noise, All da Judah peopo stay shake an come sked. Da army guys stay come Jalike dey goin eat up da land an eryting inside um, An Jerusalem town an all da peopo dat stay live dea.”

Jeremiah 8:16 ပူးပေါင်းရင်းမြစ်များ

Job 39:20

You da one make da horses fo dem jump fas jalike one grasshoppa? You tink you can make um fo peopo come sked wen da horse make awesome noise wit dea nose?

Songs 24:1

Da One In Charge, he own Da whole world an eryting dea. He own da land An all da peopo dat live dea.

Jeremiah 10:25

Mo betta you throw yoa huhu On top da nations dat donno you, An wit da ohanas dat donno wat kine god you, An dey no call you fo help dem. Cuz dem, dey kill us peopo dat get Jacob fo oua ancesta, An dey bus up da land wea we live.”

Jeremiah 3:24

From da time us small kids, Baal, da god dat do shame kine stuff, Eat up all da stuff oua faddahs wen bus ass fo get. He take dea sheeps an goats an cows. An he take dea boys an girls.

Jeremiah 30:16

Still yet, erybody dat wipe you out, I goin wipe dem out too. Erybody dat stay agains you, Dey all goin come prisonas an go one far place. Erybody dat steal stuffs from you, I goin steal dea stuffs too.

Jeremiah 30:5

He tell: “Get guys yelling an screaming Cuz dey real sked an shaking, An dey no mo cool head!

Jeremiah 4:24

I look da mountains. Dey stay shake jalike get earthquake! I look da hills. Dey stay move dis side an dat side!

Jeremiah 4:7

“Get one guy, Jalike he one lion dat come outa da place he hide. His army guys goin wipe out plenny peopos. Dey wen go way from dea place Fo come wase yoa land An make erybody come bum out. Yoa towns goin come all bus up Cuz no mo nobody goin stay ova dea.

Jeremiah 47:3

Wen da peopo hear da horses running, dey goin yell, Wen da war wagons come, da groun goin shake an da peopo goin feel um. Da muddah-faddah guys no goin do notting fo help dea kids. Dey lose fight cuz dey no can do notting.

Jeremiah 5:17

Dey goin eat up all da food you guys harves, An all da odda food you get. Dey goin kill all yoa kids. Dey goin eat all yoa cows, sheeps, an goats. Dey goin eat all yoa grapes an figs. No matta you guys trus da big towns dat get strong wall fo proteck you, Dey still goin wipe out all da peopo inside da towns wit dea swords.”

Jeremiah 50:42

Dey stay carry bow an arrow an short spear fo fight. Dey mean, an dey like hurt peopo, an dey no give chance. Wen dey ride dea horses, Dey soun jalike big noise from da ocean. Dey all line up ready fo fight, An az you guys, da Babylon peopo, dey stay coming afta!”

Jeremiah 51:29

Da land shake an move jalike stay hurt, Cuz Da One In Charge know wat he like do, An fo shua he goin do um! He goin wase da Babylon land, So dat no mo nobody goin live ova dea.

Jeremiah 6:23

Dey get bow an arrow an short sword fo fight. Dey like hurt peopo, an dey no give nobody chance. Wen dey ride on dea horses, Dey soun jalike da loud noise from da ocean. Dey all line up ready fo fight, An az you guys, da Jerusalem peopo, da ones dey stay coming afta!”

Nahum 3:2

Can hear da horse whips crack. Da wagon wheels make noise. Da horse hoofs run fas. Da war wagons make kalangalang.

Habakkuk 3:10

Wen da mountains see you do dat, dey shake. Da rain storm make big watta go thru da gulches. Da deep ocean make big noise, An make da waves go real high.

1 Corint 10:26

Da Bible tell, “Da One In Charge, he own da world, an eryting inside da world too,” you know.

1 Corint 10:28

But, if somebody tell you guys, “Dis meat come from one temple sacrifice fo one idol kine god,” den no eat um. You guys gotta figga bout da guy dat wen tell you dat, if okay o not okay fo him.

Local Leadas 18:29

Dey give da town da name Dan, jalike dea ancesta guy, Israel boy. Befo time, da town get da name Laish.

Local Leadas 20:1

Den all da Israel peopo from Dan north side to Beer-Sheba south side, an from Gilead, go out togedda, an go in front Da One In Charge, Mizpah town.

Local Leadas 5:22

Den da horse hoofs poun an make big noise. Dey strong, an dey run an run.