Jeremiah 8:14 - Hawaii Pidgin Bible

¹⁴ Da peopo goin tell, “How come us guys stay sit in dese small towns?! Go come, us go run away togedda To da towns dat get one strong wall. Fo shua us goin mahke ova dea, Cuz oua God, dass Da One In Charge a us, tell we goin mahke. Jalike he give us poison watta fo drink Cuz we wen do bad kine stuff agains him.

Jeremiah 8:14 ပူးပေါင်းရင်းမြစ်များ

2 Samuel 20:6

David tell Abishai, “Dis time Sheba, Bikri boy, goin hurt us guys mo den Absalom wen hurt us. Take my guys an go chase um down. If you no catch um, he goin find big towns dat get one strong wall, an get away from us.”

Songs 39:2

Az how come I no tell notting. I no talk notting, Even bout da good kine stuff. But dat ony make me hurt Mo plenny inside!

Songs 69:21

Fo food, dey give me poison Dat taste bad, Wen I stay thirsty, Dey make me drink vinega.

Isaiah 47:5

Da One In Charge, he tell da Babylon peopo: “Sit down an no talk! Sit inside da dark place. Nobody goin tell you guys no moa Dat yoa town jalike da queen Ova all da kings an da peopos.

Jeremiah 14:20

You Da One In Charge, An us guys know we wen do bad kine stuff. Fo shua, wat oua ancesta guys wen do was wrong. All us guys do bad kine stuff agains you.

Jeremiah 14:7

Den dis how us guys pray: “I know us guys wen do wass wrong, An az why all dis stuff happen. You Da One In Charge. Try do someting fo show wat kine god you, Cuz us guys wen run away from you An do plenny bad kine stuff agains you.

Jeremiah 23:15

Az why Da One In Charge, da God Ova All Da Armies, tell dis bout da guys dat suppose to talk fo him: “Me, I goin make dem grind da kine food dat taste horraz, An drink watta wit poison inside. Get guys Jerusalem side dat suppose to talk fo me, Dey da ones wen start fo make peopo all ova da land Tink dat me, God, no matta.”

Jeremiah 3:25

Us no goin show face cuz we get plenny shame. Us goin come bum out cuz no mo nobody get respeck fo us! Us an oua ancesta guys, all us wen do bad kine stuff Agains oua God, dass Da One In Charge a us. We do all dat from small kid time till now. We neva lissen wat oua God, dass Da One In Charge a us, tell us!’ ”

Jeremiah 35:11

But wen Nebukadnezzar da Babylon king come fo attack dis land, we tell each odda, ‘Go come, fo us go inside Jerusalem fo run away from da Babylon an Aram army guys.’ Az why us guys stay inside Jerusalem now.”

Jeremiah 9:14

But da way dey live, dey ony hard head fo wateva dey like do. Dey pray to da Baal kine idol gods, jalike dea ancesta guys wen teach um.

Jeremiah 9:15

Az why dis da message from Da One In Charge, da God Ova All Da Armies, da God fo da Israel peopo: ‘Dis wat I goin do. I goin make dis peopo suffa, jalike I give um da kine food dat taste real bad fo eat, an poison watta fo drink.

Sad Song 3:19

Wen I tink bout how I suffa an donno wea I going, Az jalike I wen suffa an swallow stuff dat taste real bad.

Prieses 10:3

Den Moses tell Aaron: “Dis wat Da One In Charge stay talk bout wen he tell: ‘Wen pries guys come nea me, I goin show um I stay good an spesho. In front all da peopo, dey goin show plenny respeck fo me.’ ” But Aaron no say notting.

Amos 6:10

Az why, wen somebody mahke, one ohana guy goin come take da body outside da house fo burn da body. Dat ohana guy goin go inside da house an yell to whoeva stay inside da back a da house, “Hui! Still yet get odda peopo wit you?” Den da guy inside da back a da house goin tell, “No mo nobody! Ony me!” Da ohana guy goin tell, “Eh, no talk! Make shua nobody use Da One In Charge name inside dis place!”

Habakkuk 2:20

But Da One In Charge, he stay inside da Temple dat stay spesho fo him. Shhh! Eryting on top da earth gotta stay quiet in front him.”

Zekariah 2:13

Quiet! All you peopo on top da earth, stay quiet in front Da One In Charge. Cuz he all ready fo come down hea from da place dat stay spesho fo him in da sky!

Matthew 27:34

Dey try give Jesus wine wit bitta stuff inside, but wen he taste da wine, he no like drink um.

Rules Secon Time 29:18

Make shua no mo any guy o wahine, o ohana wit you guys, dat goin tell ‘Laytas’ to oua God, dass Da One In Charge a us. Make shua dey no go down an show respeck to da idol kine gods from dose peopos. Make shua no mo notting wit you guys dat make eryting come pilau.

Rules Secon Time 32:32

Da guys dat stay agains us, Jalike da grape plant dat come from da Sodom peopo, An from da fields Gomorrah side. Sour dea grapes taste An can kill you!