Jeremiah 7:29 - Hawaii Pidgin Bible

²⁹ “ ‘Eh you Jerusalem peopo! Cut yoa hair an make bolohead fo show you stay sad inside. Cut um off an throw um away. Go da trails on top da mountains wea no mo notting grow, An sing one sad song dea. Cuz Da One In Charge had it wit his peopo. He dig out awready from da peopo dat stay hea now. He throw um out cuz he stay real huhu wit dem.’ ”

Jeremiah 7:29 ပူးပေါင်းရင်းမြစ်များ

2 Kings 17:20

Az why Da One In Charge come plenny huhu an cut off da Israel peopo from him. He let da steala guys rip off dea stuffs, all da time till he kick dem outa da land wea he stay.

Job 1:20

Wen Job hear dat, right den an dea he stan up an rip his clotheses an shave his head fo show he stay sad inside. Den he go down an put his face on top da groun.

Isaiah 22:12

My boss, Da One In Charge, Da God Ova All Da Armies, He goin call you dat time Fo cry an stay sad inside, Fo pull out yoa hair, An put on burmbag kine clotheses, Fo show you stay sad inside.

Jeremiah 12:7

Da One In Charge tell: “I goin leave my ohana an let um hang. I goin bag from da peopo dat stay mines. I goin let da peopo I love Suffa from da guys dat stay agains dem.

Jeremiah 14:19

You Da One In Charge fo real kine! So how come you make deaf ear to da Judah peopo?! You hate da Jerusalem peopo, o wat?! How come you wack us guys Fo us no come good, aah?! We wait fo eryting come okay an no mo war, But notting good stay happen. We wait fo tings come good, But we ony stay real sked.

Jeremiah 16:6

“Da importan peopo an da not so importan kine peopo, dey all goin mahke inside dis land. No mo nobody goin bury dem, an no mo nobody goin stay sad inside an cry fo dem. No mo nobody goin cut dea body o make dea head bolohead fo show dey stay sad inside.

Jeremiah 3:2

“Look up da high mountains Wea no mo plants grow cuz erybody go dea. You guys goin see all da sacrifice places dea Wea you wen go fool aroun in front da odda gods! You guys sit by da roads An wait fo somebody you can fool aroun wit, Jalike da steala guys from da dry boonies Stay wait fo jump somebody. You guys make da land pilau, Cuz you do real bad kine stuff Wen you stay fool aroun wit da odda gods.

Jeremiah 3:21

Da Israel peopo cry from on top da high mountains Wea da plants no grow cuz erybody go walk ova dea. Dey cry an beg da gods dea fo help dem, Cuz dey wen go da wrong way An foget bout dea God, Da One In Charge.

Jeremiah 47:5

Da Gaza peopo goin shave dea head cuz dey stay sad inside. Da Ashkelon peopo goin come wipe out. You odda Filisha peopo Dat still stay alive inside yoa valley, How long you goin cut yoa body Fo show you stay sad inside?”

Jeremiah 48:37

Fo show dey stay sad inside, Erybody shave dea head fo make bolohead, An cut off dea beard too. Dey all cut dea hands fo make um bleed. An tie burmbag cloth aroun dea wais.

Jeremiah 6:30

Dey jalike da silva dat nobody can use. Cuz Da One In Charge tell ‘Laytas’ to dem!”

Jeremiah 9:10

Jeremiah tell: “Wen I tink bout da mountains, I like cry an make big noise. I goin sing sad songs bout da mahke peopo, Cuz a da grass inside da boonies Wea da sheep guys wen stay wit dea sheeps. Da grass stay all burn up, No mo nobody go thru dea. You no hear da noise from da cows no moa. Da birds an all da animals, Dey run away awready.”

Jeremiah 9:16

I goin let plenny diffren peopos make da Israel peopo prisonas—da kine peopos dey donno. Da Israel peopo ancestas, dey neva know bout um befo time too. I goin sen peopo fo chase um wit swords till I wipe dem out.’ ”

Sad Song 5:22

Bring us back, no matta you wen tink us guys no good, An you wen stay real huhu wit us guys.

Ezekiel 19:1

“Eh Ezekiel! Go sing one sad song fo da Israel prince guys.

Ezekiel 28:12

“Eh! Fo Real Kine Guy! Sing dis funeral kine song bout da Tyre king. Tell um: Dis da message from Da One In Charge, da Boss: “ ‘You was da one dat show erybody wat perfeck mean! You know wat fo do erytime, An you real good looking to da max.

Amos 5:1

Amos tell: “You peopo from da Israel ohana! Lissen wat I goin tell bout you guys! Dis one funeral kine song, you know. Me, Amos, I stay make um fo you guys. Dis da song:

Micah 1:16

Shave off yoa hair an come bolohead Fo show you guys stay sad inside. Cuz da kids dat you guys get plenny love an aloha fo, Da army guys goin make dem prisonas An take dem away. So come bolohead jalike one scavenja bird!”

Matthew 12:39

But he tell um, “Da guys nowdays dat do bad kine stuff an fool aroun behind God back, dey erytime like see proof, but dey ony goin see one proof jalike Jonah. He da guy dat wen talk fo God long time befo time.

Matthew 16:4

You guys stay do bad kine stuff, an jalike you stay fool aroun behind God back. Dass why you guys stay tell me you like see proof lidat. Fo shua, you guys no goin see notting. Da same ting jalike happen to da guy Jonah, dass da ony proof you guys goin see!” Den Jesus go way from dem.

Matthew 23:36

Dass right! An I like tell you guys dis too: you guys dat stay live now goin suffa, cuz a all dis stuff dat happen befo time.

Matthew 3:7

Plenny Pharisee guys an Sadducee guys come fo him baptize dem too. He see um, an tell, “Eh you guys! You guys jalike one snake ohana! God had it wit all da bad kine stuff you do. He goin punish you guys fo dat. No way you guys goin get away!

Jesus Guys 2:40

Peter tell dem plenny mo stuff, an beg um, “Let God take you outa da bad kine stuff dat da odda peopo stay do now.”

Rules Secon Time 32:5

But you Israel peopo, You do pilau kine stuff dat he no like. You not his kids no moa, Cuz you all jam up inside. You all crooked an kapakahi kine peopo.