Jeremiah 6:7 - Hawaii Pidgin Bible

⁷ Jalike plenny watta come outa one spring, Az how plenny bad kine stuff come outa da Jerusalem peopo. I ony hear Who get hurt o who get wipe out. Dass all I hear! I see dat all da time Da peopo dea stay sick an hurt.

Jeremiah 6:7 ပူးပေါင်းရင်းမြစ်များ

Smart Guys 4:23

Da ting is, you gotta fo real kine make shua An watch out how you tink. Cuz da way you tink, Dass how you goin live fo eryting you do.

Isaiah 1:6

From on top yoa head to undaneat yoa feet You guys no even get one place dat stay good, Ony get cut, scar, black an blue, An bad open kine sore all ova. Nobody clean out da pus, Nobody put olive oil on top fo make um come sof, An nobody put bandage on top um.

Isaiah 57:20

But da bad kine guys, Dey jalike da rough ocean Wen da wind make big wave An no can stay quiet. Dat kine wave ony throw mud An junk kine stuff on top da beach.

Isaiah 59:6

Da spida webs dey make, No good fo make clotheses. Nobody can cova dem wit dat. Da kine tings dey do, ony bad kine. Dey like fight an hurt peopo.

Jeremiah 20:8

Cuz weneva I talk, I gotta yell, an tell, “Eryting goin get bus up an wipe out!” Az why, weneva I tell wat Da One In Charge tell me, Da peopo ony stick tongue an laugh at me all day.

Jeremiah 30:12

Dis wat Da One In Charge tell da Mount Zion peopo: “You guys all bus up, An no mo notting goin make you come good. Da way da armies wack you, You goin stay sick, an you no goin come good.

Jeremiah 30:13

No mo nobody fo back you up. No mo notting goin make da bleeding stop. No mo nobody can make you come good.

Jeremiah 30:15

How come you guys make plenny noise cuz you all bus up? You hurt, an no goin come good. Cuz you get da blame fo plenny tings, Fo da plenny bad tings you wen do, Az why I do all dis to you.

Jeremiah 32:31

From da time da peopo build dis big town till now, da ones dat live inside hea make me come real huhu, cuz dey do stuff dat make me real mad. Az how come I goin throw dem out from in front me.

Jeremiah 8:22

Fo shua, Gilead side get medicine An docta ova dea! Cuz da peopo I love stay hurt. So, how come no mo nobody fo make um feel good?!”

Ezekiel 21:29

Goin get tings peopo see jalike dreams dat ony goin bulai you Ammon guys, wen yoa guys make ceremony fo tell wass goin happen, “Wat da dreams tell you Ammon guys no goin be true. Da sword goin wack da pilau crooks an kill um. Dis da time fo punish you Ammon guys. Goin be da end fo you guys!

Ezekiel 24:7

Cuz da blood from da peopo you Jerusalem guys wen kill stay dea inside yoa town! You Jerusalem guys pour da blood ova one big rock dat no mo dirt. You no pour um on top da groun cuz you no like da dirt cova um up.

Ezekiel 45:9

“ ‘Dis wat Da One In Charge, da Boss, tell: You princes inside Israel, you guys wen go far enuff! No bus up da peopo no moa, an no put presha on top dem no moa! Do wat stay right! No take ova dea land! Az wat me Da One In Charge, da Boss, tell.

Ezekiel 7:11

Da guys dat like bus up erybody, now dey come jalike one stick fo wack da bad kine peopo! Dass why nobody stay—No mo big noise from da crowd, no mo peopo dat make high makamaka!

Ezekiel 7:23

“Go get chains ready fo take prisona guys away from da land cuz all ova da land get judges dat like set up peopo fo mahke. Inside da town, peopo goin bus up each odda all da time.

Zefaniah 3:1

Bummahs, fo Jerusalem town! Da peopo dea put presha on top odda peopo! Dey go agains me! Dey make um come pilau!