Jeremiah 6:6 - Hawaii Pidgin Bible

⁶ Dis wat Da One In Charge tell, da God Ova All Da Armies: “Cut down da trees aroun Jerusalem town, Pile up dirt dea fo go ova da wall! Time fo da peopo inside Jerusalem fo get punish. Cuz erybody inside dea back stab each odda.

Jeremiah 6:6 ပူးပေါင်းရင်းမြစ်များ

Isaiah 37:33

“Az why dis wat Da One In Charge tell bout da Assyria king: No way he goin come inside Jerusalem town. His guys no goin shoot arrow ova hea. Dey no goin get dea shield fo fight oua army guys, O pile up dirt by da wall Fo dea army guys run ova da top.

Jeremiah 20:8

Cuz weneva I talk, I gotta yell, an tell, “Eryting goin get bus up an wipe out!” Az why, weneva I tell wat Da One In Charge tell me, Da peopo ony stick tongue an laugh at me all day.

Jeremiah 22:17

“But you, Jehoiakim, you ony like get Wat you can rip off from da real owna! You like kill da peopo dat neva do notting wrong. You like make sly kine fo make peopo pay you extra fo wat you do fo dem. You bus up peopo an you no give a rip!”

Jeremiah 32:24

“Look, how da Babylon guys stay pile up dirt awready fo come ova da town wall an capcha Jerusalem town. Cuz a da war, an no mo food, an da bad kine sick, da Babylon guys dat stay fight us guys goin take ova da town. Wat you wen tell stay happen right now, jalike you see!

Jeremiah 32:31

From da time da peopo build dis big town till now, da ones dat live inside hea make me come real huhu, cuz dey do stuff dat make me real mad. Az how come I goin throw dem out from in front me.

Jeremiah 33:4

An dis wat Da One In Charge, da God fo da Israel peopo, tell bout da houses inside dis town an da palaces fo da Judah kings. Da peopo wen bus up dea houses awready an pile up da junks agains da wall, fo make ready fo fight da Babylon army guys wen dey try fo come ova da wall wit swords.

Jeremiah 39:1

Dis how da Babylon guys take ova Jerusalem. Was da year numba nine, da month numba ten, wen Zedekiah stay king fo Judah. Nebukadnezzar, da king fo Babylon, come back Jerusalem side wit all his army guys. He put his army guys all aroun da town fo nobody go outside o come inside.

Jeremiah 5:29

Da One In Charge tell, “You tink I no need punish dem fo all dis stuff?! I goin punish dem! You tink I no goin pay back dat kine peopo fo dis?! I goin pay um back!

Jeremiah 5:9

You tink I no need punish dem cuz dey make lidat?! No way! You tink I not suppose to pay back dat kine nation?! Not even!” Az wat Da One In Charge tell.

Ezekiel 4:2

Put army guys all aroun Jerusalem fo make shua nobody run away. Go make one dirt kine wall aroun da town, an put one big pile dirt right nex to da main Jerusalem wall fo da army guys march ova um. Go make couple army camps aroun da town. Make da kine wagons fo swing da big tree trunks fo bus down da town gates an open um up.

Ezekiel 5:5

Dis wat Da One In Charge, da Boss, tell: “Dis, Jerusalem. I wen put Jerusalem in da middo a da odda countries wea da peopos dat donno me stay.

Daniel 11:15

Den da Syria king, north side, goin come pile up dirt fo go ova da wall fo one big town dat get strong wall, Egypt side. He goin take ova da town. Da army fo da Egypt king, south side, no goin get enuff powa fo fight da Syria king. Even dea bestes guys from da Egypt army, no goin be strong enuff fo fight dem.

Zefaniah 3:1

Bummahs, fo Jerusalem town! Da peopo dea put presha on top odda peopo! Dey go agains me! Dey make um come pilau!

Luke 19:43

Da time goin come wen da guys dat stay agains you guys goin pile up dirt all aroun yoa town wall fo attack you guys.