Jeremiah 6:30 - Hawaii Pidgin Bible

³⁰ Dey jalike da silva dat nobody can use. Cuz Da One In Charge tell ‘Laytas’ to dem!”

Jeremiah 6:30 ပူးပေါင်းရင်းမြစ်များ

2 Kings 17:20

Az why Da One In Charge come plenny huhu an cut off da Israel peopo from him. He let da steala guys rip off dea stuffs, all da time till he kick dem outa da land wea he stay.

Songs 119:119

Da peopo inside da world Dat stay do bad kine stuff, You treat um jalike dey rubbish. Dass why I get love an aloha Fo da tings you tell me ova an ova.

Songs 53:5

Bumbye, someting goin happen ova dea Fo make dem guys come real sked, Mo plenny sked den was befo time. Cuz wen da peopo dat stay agains you Put dea army camp in front you, You goin make dem all come shame. An God goin kill um An throw dea bones all ova da place, Cuz he tell “Laytas” to wat dey do.

Smart Guys 25:4

Wen you clean out da junks from da silva metal, Da silva look good, Fo da silva worka make someting wit um.

Isaiah 1:22

Jalike you melt silva metal, An keep da junks dat come up, But throw way da good kine silva. An yoa good wine jalike ony half watta.

Isaiah 1:25

I goin go agains you Jerusalem guys too, Jalike I goin put you inside da fire Fo take out all yoa junk kine stuff from inside you.

Jeremiah 14:19

You Da One In Charge fo real kine! So how come you make deaf ear to da Judah peopo?! You hate da Jerusalem peopo, o wat?! How come you wack us guys Fo us no come good, aah?! We wait fo eryting come okay an no mo war, But notting good stay happen. We wait fo tings come good, But we ony stay real sked.

Jeremiah 23:33

“Eh! Jeremiah! Wen dese peopo, o one guy dat tell he talk fo me, o one pries guy, tell, ‘Wat kine message you get from Da One In Charge?’ tell um, ‘Wat you mean, message?! “I goin bag from you guys!” Az da message from Da One In Charge!’

Jeremiah 7:1

Dis anodda message from Da One In Charge fo Jeremiah:

Jeremiah 7:29

“ ‘Eh you Jerusalem peopo! Cut yoa hair an make bolohead fo show you stay sad inside. Cut um off an throw um away. Go da trails on top da mountains wea no mo notting grow, An sing one sad song dea. Cuz Da One In Charge had it wit his peopo. He dig out awready from da peopo dat stay hea now. He throw um out cuz he stay real huhu wit dem.’ ”

Sad Song 5:22

Bring us back, no matta you wen tink us guys no good, An you wen stay real huhu wit us guys.

Hosea 9:17

God tell “Laytas” to da Israel peopo Cuz dey no goin lissen him. Dey goin go from one nation to anodda nation, Cuz dey donno wea dey stay goin live.

Zekariah 11:8

In one month, I throw out three odda guys dat take kea da sheeps. I come tired wit dem, an dey come bum out cuz a me.

Matthew 5:13

“You guys know how da food need salt fo stay good long time. Same ting, da peopo all ova da world need you guys. But if da salt no do wat suppose to do, how you goin make um do wat suppose to do one mo time? No can! Dat kine salt no good. Ony good fo throw da salt outside wea da peopo walk.

Rome 11:1

So den, I like aks dis: You tink God no like his peopo no moa, o wat? No ways! Me, I come from dat same Israel peopo! I get da same blood jalike Abraham, an I get da same blood jalike Benjamin, cuz Abraham, he Benjamin great granfaddah.