Jeremiah 6:26 - Hawaii Pidgin Bible

²⁶ My peopo, you betta put on burmbag kine clotheses An lay down on top da ashes fo show you stay sad inside! Stay sore inside an cry plenny, Jalike yoa ony boy wen mahke! Cuz wen you tink dey no stay come, Da army guys dat goin wipe us out goin come!”

Jeremiah 6:26 ပူးပေါင်းရင်းမြစ်များ

Start 21:16

Den Hagar go mo down, bout hundred yard. She sit down ova dea da odda side, cuz she tink, “I no can handle fo see my boy die!” An she bus out crying.

Job 15:21

Dey hear skery kine noise. Wen dey tink eryting go good, Da guys dat like bus up peopo go afta dem.

Job 2:8

Job sit down wit ashes all aroun him. He take one piece from one clay pot dat wen broke, an scrape his skin wit um.

Isaiah 22:12

My boss, Da One In Charge, Da God Ova All Da Armies, He goin call you dat time Fo cry an stay sad inside, Fo pull out yoa hair, An put on burmbag kine clotheses, Fo show you stay sad inside.

Isaiah 22:4

Dass why I tell dis, “Go way! No look at me! Let me cry hard! No try make me feel good inside Cuz dey wipe out my peopo! My peopo, dey jalike one wahine, Gone awready, eryting dey get.

Isaiah 3:24

“Now dey get perfume, But den dey goin smell haunas. Now dey get one fancy kine cloth aroun da wais, But layta dey goin get ony one rope. Now dey get nice style hair, But den dey goin come bolohead. Now dey get fancy kine clotheses, But den dey get ony burmbag clotheses. Now dey nice looking, But den dey get burn scar all ova dem.

Isaiah 30:13

An cuz you make lidat, Dis how goin be wen I punish you guys. Jalike wen get one high wall wit one small crack, An da crack come mo big, An da wall by da crack push out, An bang! da whole ting fall down.

Isaiah 32:11

Shake an come sked You wahines dat no give a rip bout notting. Shake an come sked You daughtahs dat stay shua notting goin hurt you. Take off yoa clotheses An put burmbag cloth aroun yoa wais Fo show you stay sad an crying.

Jeremiah 12:12

On top all da hill tops inside da boonies wea no mo notting can grow Goin get plenny guys dat like come rip off stuff. Cuz goin get war! Jalike Da One In Charge use his sword fo kill da peopo From one side a da land to da odda side! No goin get nobody stay safe ova dea.

Jeremiah 13:17

But if you no lissen wat I tell, I goin go hide an cry, Cuz you guys ack high makamaka. I goin cry real hard wit plenny tears, Cuz da peopo a Da One In Charge all goin come prisonas.

Jeremiah 14:17

“Tell um dis: ‘Let me cry plenny fo you guys Day time an nite time. I cry fo my peopo Cuz I love dem Jalike I love my young girl, Cuz dey all bus up an hurt bad!

Jeremiah 15:8

I goin make dem get mo plenny widows Den da ocean get sand. Noon time, I goin bring somebody Fo wipe out da young guys. Right den an dea I goin make dea muddahs Come sore inside an stay real sked.

Jeremiah 18:22

Wen you bring army guys dea An dey donno dey stay coming, Let peopo hear dem scream fo help from inside dea house! Dey dig one big hole fo catch me An dey hide traps fo catch my feets.

Jeremiah 30:5

He tell: “Get guys yelling an screaming Cuz dey real sked an shaking, An dey no mo cool head!

Jeremiah 4:11

Dat time dese peopo an da Jerusalem peopo goin hear, “Da army stay come! Dey jalike one hot dry wind come down from da high rocky places inside da boonies, an blow on top my peopo dat I love. But dis wind, not da kine wind dat ony blow da junks outa da wheat an barley, o dat clean stuff.

Jeremiah 4:20

Get one big boom, den anodda! All da land come bus up. Fas dey wipe out my tents, Mo fas den I can handle!

Jeremiah 4:8

So, you guys betta put on burmbag kine clotheses, Fo show you guys stay sad inside an crying, Cuz Da One In Charge stay real huhu wit us guys. An he still yet stay huhu!”

Jeremiah 6:14

Jalike my peopo all bus up an bleeding, But dem guys ony put small kine bandage, Cuz dey tink dey ony small kine hurt. Dey tell, ‘No worry, eryting stay okay!’ But no stay okay.

Jeremiah 8:19

Lissen how da peopo dat I get love an aloha fo Cry fo me help um From da lands dat stay far away. Dey tell: ‘Da One In Charge, he no stay Mount Zion, o wat? No mo da King ova dea, o wat?’ ” Da One In Charge tell, “Dey try make me come huhu Cuz a dea idol kine gods, Dea gods from anodda place dat good fo notting?”

Jeremiah 8:21

Da peopo I love, dey all bus up. Az why me too, I stay all bus up inside. I stay real bum out an real sked.

Jeremiah 9:1

I like my head come jalike one spring fo watta, An my eyes jalike one fountain fo my tears come out! Cuz I like cry plenny, day time an nite time, Cuz plenny peopo get kill, an dey my peopo.

Jeremiah 9:10

Jeremiah tell: “Wen I tink bout da mountains, I like cry an make big noise. I goin sing sad songs bout da mahke peopo, Cuz a da grass inside da boonies Wea da sheep guys wen stay wit dea sheeps. Da grass stay all burn up, No mo nobody go thru dea. You no hear da noise from da cows no moa. Da birds an all da animals, Dey run away awready.”

Sad Song 1:16

“Dass why I stay cry plenny. No mo nobody stay nea fo make me feel mo betta. No mo nobody stay hea fo make me come strong inside. My kids, no mo notting. Cuz da peopo dat stay agains us guys win awready!”

Sad Song 1:2

Jerusalem jalike one wahine dat stay cry real hard nite time. Get tears all ova da cheeks. Jalike befo time get plenny guys dat get love an aloha fo her, But now, no mo nobody fo make her feel mo betta. Jalike all her frenz sell her out. Jalike dey go agains her.

Sad Song 2:11

I cry till my eyes no can see notting. I suffa inside my gut. Jalike my heart pour out on top da groun. Cuz my Jerusalem peopo come wipe out awready. Da bebes an da kids pass out On top da streets inside Jerusalem.

Sad Song 3:16

Jalike he push my face in da gravel an broke my teets. An push me down inside da dirt.

Sad Song 3:48

I stay cry plenny, Cuz my peopo stay come wipe out.

Sad Song 4:10

Even da wahines dat get love an pity Cook dea kids. Dey even eat dem, Wen my peopo come all bus up an wipe out.

Sad Song 4:3

Even da wild dogs feed dea bebes, But my peopo no a rip, dey no take kea dea bebes. Jalike da big ostrich birds inside da boonies.

Sad Song 4:6

Da One In Charge punish my peopo Mo worse den da Sodom peopo wen get punish Fo da bad tings dey wen do. Sodom town come wipe out real fas, No matta nobody attack um.

Amos 8:10

Wen you guys make one religious kine ceremony dat make you feel good, I goin change um an make you guys come sad. Wen you guys sing, I goin make you guys sing one sad kine song. I goin make erybody stay sad inside An wear burmbag kine cloth An shave bolohead fo show dey stay sad inside. Goin be jalike wen da faddah-muddah guys come sad Cuz dea one an ony boy mahke. Dat time, goin be jalike eryting taste real bad, till da end.”

Jonah 3:6

Den da king fo Nineveh, he hear bout wat Jonah stay tell too. He stan up from his throne, take off his fancy king kine robe, an put on burmbag kine clotheses an go sit down on top da ashes, fo show he stay sorry inside.

Zekariah 12:10

“Me, Da One In Charge, goin make da David ohana an da Jerusalem peopo like do good kine stuff fo odda peopo, an dey goin pray to God fo help dem too. Dey goin look me, da guy dey wen stab. Dey goin stay real sore inside, jalike somebody stay sore cuz dea firs boy dat born wen mahke.

Luke 7:12

Wen Jesus come da town gate, da peopo from da town carry one open box wit one mahke guy inside thru da gate. His muddah one widow, an he her ony boy. Plenny peopo from da town go wit her.

James 4:9

Dat mean, you guys gotta come real sorry, an suffa inside, an cry hard. No laugh no moa, an start fo cry. No feel good inside, but come real sore inside long time.

James 5:1

Eh! You rich peopo! Lissen! Mo betta you cry plenny now, an feel sad! Cuz bumbye, you goin suffa plenny fo shua.