Jeremiah 6:25 - Hawaii Pidgin Bible

²⁵ No go out inside da fields. No walk on top da roads. Cuz da guys dat come fo fight you get swords. Dey stay come from ery side, so stay real sked!

Jeremiah 6:25 ပူးပေါင်းရင်းမြစ်များ

2 Records 15:5

Da times wen da Israel peopo get presha, not safe fo travel, cuz can get hurt. No matta wat country you go, da peopo stay all jam up.

Job 18:11

All aroun da bad guys, get stuff dat make um real sked, An dat bodda um ery step.

Songs 31:13

Cuz you know, I hear da bad kine tings Dat plenny peopo tell bout me, An all aroun me, Get stuff dat make me real sked. Get peopo dat come togedda agains me. Dey figga how fo kill me.

Isaiah 1:20

But if you no lissen an no like do wat I tell you fo do, Den odda peopo goin come wit dea swords An wipe out you guys. Cuz az me, Da One In Charge, Da Boss, dat tell dis.”

Jeremiah 14:18

If I go out da country side, I see da guys dat da army guys wen kill wit swords. If I go aroun inside Jerusalem town, I see all da peopo dat stay sick Cuz no mo food. Da guys dat talk fo God an da pries guys Stay go all ova da land fo do dea work, But dey donno wat dey stay do!’ ”

Jeremiah 20:10

I hear plenny guys talk sof kine, Dey tell, “Dis Jeremiah, da ‘stay real sked’ guy— We go tell on him.” Even all my frenz stay wait fo me fo tell someting wrong. Dey tell, “Maybe us guys can trick Jeremiah! Den we can win, an get back at him!”

Jeremiah 30:5

He tell: “Get guys yelling an screaming Cuz dey real sked an shaking, An dey no mo cool head!

Jeremiah 4:10

Wen I hear dat, I tell, “Eh! You dat stay in charge a me! Bummahs! Fo shua, you wen bulai dese peopo an da Jerusalem peopo good, wen you tell, ‘Eryting goin go good fo you guys!’ same time da odda army guys pull knife fo cut oua throat!”

Jeremiah 4:5

Da One In Charge tell: “Tell da Judah peopo! An make da Jerusalem peopo hear dis! ‘Make noise wit da sheep horn trumpet all ova da land!’ Yell real loud an tell, ‘Erybody come togedda! Us guys gotta reach da big towns dat get strong wall!’

Jeremiah 46:5

“But how come I see dis? Da Egypt guys stay real sked! Da Babylon guys stay push dem back! Dea bestes fighta guys, dey all bus up! Dey run away real fas, An dey no even look behind dem wen dey go. All aroun dem, erybody stay real sked!” Az wat Da One In Charge tell.

Jeremiah 49:29

Steal dea tents! Rip off da sheeps an goats too! Hemo da curtains from inside dea tents! Steal all dea stuffs, an dea camels! Peopo goin yell to da Kedar peopo, ‘Da army goin come attack all you guys from all ova da place, An you guys goin come sked fo real kine!’

Jeremiah 49:5

But you know wat I goin do?! I goin make you guys come real sked a all da peopo Dat live aroun you guys.” Az wat Da One In Charge tell, da God Ova All Da Armies. “Dey goin chase away all you guys, all ova da place. An you no goin get nobody fo bring back da ones dat run away.

Jeremiah 8:14

Da peopo goin tell, “How come us guys stay sit in dese small towns?! Go come, us go run away togedda To da towns dat get one strong wall. Fo shua us goin mahke ova dea, Cuz oua God, dass Da One In Charge a us, tell we goin mahke. Jalike he give us poison watta fo drink Cuz we wen do bad kine stuff agains him.

Jeremiah 8:15

Us guys like eryting stay okay, But no mo notting good happen. Us guys like fo notting bad happen to us, But us guys ony stay real sked.

Sad Song 2:22

“Jalike you call da peopo fo come togedda wen get da spesho religious ceremonies, Now you call terroris guys fo come all aroun me fo make me come real sked. Wen you, Da One In Charge, wen stay real huhu, No mo nobody get outa dea o stay alive. Get peopo dat was born from me, an I bring dem up, But da peopo dat stay agains me wipe dem out!”

Ezekiel 21:17

Me, Da One In Charge, goin clap my hands togedda too Fo tell da killa guy fo use da sword. An den, I goin tell um res, Cuz den I no goin stay huhu no moa. Az me Da One In Charge wen tell all dis.’ ”

Ezekiel 7:18

Dey goin put on burmbag kine clotheses an dey goin shake all ova. You look dea face, can tell dey all shame. Dey goin shave bolohead fo show dey sore inside.

Luke 19:43

Da time goin come wen da guys dat stay agains you guys goin pile up dirt all aroun yoa town wall fo attack you guys.