Jeremiah 6:17 - Hawaii Pidgin Bible

¹⁷ I wen pick watcha guys fo take kea you guys. I wen tell um, ‘Make shua you guys lissen Wen dey blow da sheep horn trumpet Fo tell da peopo watch out!’ But you guys tell, ‘Us no goin lissen!’

Jeremiah 6:17 ပူးပေါင်းရင်းမြစ်များ

Isaiah 21:11

Get heavy kine stuff fo tell bout Dumah, Da Edom land, wea nobody stay awready. Somebody stay yell to me From da Seir Range, Edom side: “You dat stay watch ova dea, How much time lef dis nite? Wen da dark no goin be no moa?”

Isaiah 56:10

“Da guys dat stay lead my peopo, Dey all suppose to be watcha guys, But dey no can see, jalike dey blind. All a dem, dey donno notting. Dey jalike dogs dat no can bark. Dey ony lay down dea an dream. Dey ony like sleep, fo shua.

Isaiah 58:1

Da One In Charge tell: “Yell real loud! No hold back! Jalike one trumpet, make um loud! Tell my peopo, da one dat come from Jacob, How dey go agains me An do bad kine stuff!

Isaiah 62:6

Eh you Jerusalem peopo! I stay put guys on top yoa walls fo watch. Day time an nite time, Dey no goin stay quiet. You guys dat stay pray to Da One In Charge Fo no foget wat he wen promise fo do, No res o go sleep.

Jeremiah 18:12

But da peopo goin tell: ‘Laytas wit dat! All us guys goin do wat us like do! All us guys hard head an no mo one good heart, an we goin stay lidat!’ ”

Jeremiah 25:4

“Da One In Charge sen his worka guys by you guys ova an ova fo talk fo him. But no matta Da One In Charge sen um, you guys no lissen wat his talka guys tell. You ony make deaf ear.

Jeremiah 6:18

Az why I tell, ‘Lissen up, all you diffren peopos, Scope um out, all you peopo dat see wat stay happening, Fo you know wat goin happen to dem.

Jeremiah 7:28

Az why you gotta tell um, ‘You Judah guys, da peopo dat no lissen yoa God, Da One In Charge. You guys no like learn notting wen he punish you fo make you go da right way. Fo you guys, no mo nobody tell da trut. You no even talk bout wass true!

Jeremiah 8:5

So! How come dese peopo stay go da wrong road? How come da Jerusalem peopo erytime no come back by me? Dey stay tight wit bulaia kine gods. Da Jerusalem peopo tell, ‘Us guys no goin go back!’

Ezekiel 3:7

But da Israel ohana peopo, dey no goin like lissen you cuz nobody like lissen me cuz all da Israel ohana peopo hard head. Dey make up dea mind awready. Dey no goin change.

Hosea 8:1

Da One In Charge tell, “Blow da sheep horn war trumpet! Da ones dat stay agains dem, Az jalike get one eagle bird stay come down fo attack my Temple. Az cuz da peopo wen broke my deal wit dem. Dey go agains my rules.

Habakkuk 2:1

I goin go stan on top da place Az my kuleana fo guard. An stay dea on top da Jerusalem town wall. I goin watch dea fo find out Wat Da One In Charge goin tell me, An how I can ansa him, Cuz I wen tell him az not good wat he stay do.

Zekariah 1:4

No make jalike yoa ancesta guys! Da guys dat wen talk fo me befo time wen tell dem: ‘Dis wat Da One In Charge, Da God Ova All Da Armies, tell: “Turn aroun from da bad kine stuff you guys stay do.” But dey neva lissen me.’ Dass da message from Da One In Charge.”

Zekariah 7:11

“But dat time, da peopo no like lissen. Dey hard head, an dey turn dea back, an cova up dea ears fo no lissen.

Hebrews 13:17

Wen yoa leada guys tell you guys fo do someting, lissen dem, an do wat dey tell you fo do. Dey erytime try fo take kea you guys, day time an nite time, cuz dey know dat dey gotta show God dat dey stay do one good job lidat. Lissen dem, fo dem stay good inside, an no come bum out. Cuz if dey stay bum out, dat no goin help you guys notting.