Jeremiah 6:16 - Hawaii Pidgin Bible

¹⁶ Dis wat Da One In Charge tell his peopo: “Stop wen you get to da place wea two roads come togedda an look. Aks bout da ol trails, How peopo wen live befo time. Aks bout how fo find da good way. Den go live dat way! Dass how you guys goin learn how fo live fo no mo notting bodda you. But you guys tell, ‘Us no like live dat way!’

Jeremiah 6:16 ပူးပေါင်းရင်းမြစ်များ

1 Kings 8:36

Den I like you lissen from da sky, An let go yoa Israel peopo Fo da bad tings dey wen do, An hemo dea shame! Teach dem da right way fo live, An let da rain come down on top da land, Dat you wen give yoa peopo fo come dea land.

2 Records 19:11

“So den, Amariah da Main Pries Guy, he goin stay in charge a you guys fo eryting bout Da One In Charge. An Zebadiah, Ishmael boy, da leada fo da Judah ohana peopo, goin stay in charge a you guys fo eryting bout me, da king. An da Levi guys goin be da court officer guys dat work wit you guys. Come strong, an do wat you gotta do. Den Da One In Charge goin stay wit you guys dat do good kine stuff.”

Songs 116:7

I know notting can bodda me No moa, Cuz Da One In Charge Wen do good tings fo me.

Isaiah 2:5

You peopo inside Jacob ohana, Come. Us go walk Wit light from Da One In Charge, an do wass right.

Isaiah 28:12

Jalike he wen tell um befo time, “Dis da place fo res. Da guys dat tired can res ova hea. Dis wea you guys can sleep.” But dey no like lissen.

Isaiah 30:21

Den, even if you go da wrong way, Jalike you leave da road An go da right side o da lef side, You goin hear somebody behind you tell, “Eh! Da right way stay ova hea! Go dat way!”

Isaiah 46:9

No foget da stuff dat wen happen Long time befo time. Cuz me, I God. No mo anodda god stay jalike me.

Isaiah 57:2

Da peopo dat stay do da right ting erytime, Eryting goin come good fo dem. An dey goin res good on top dea bed.

Isaiah 8:20

Check out wat dem guys dat lissen da spirits tell. See if dey tell da same ting da Rules From God tell, an if dey talk da same kine jalike wat you know Da One In Charge tell. If dey talk diffren kine, den wat dey tell no goin help you undastan notting.

Jeremiah 12:16

Dey goin learn fo real kine how my peopo suppose to ack. So den wen dey make one strong promise, dey goin tell lidis, ‘Jalike fo shua Da One In Charge stay alive.’ (Az not like befo time, wen da odda peopos wen teach my peopo fo use Baal name wen dey make one promise.) But if dey learn eryting bout me, Da One In Charge, den I goin let dem get da same rights my peopo get.

Jeremiah 18:12

But da peopo goin tell: ‘Laytas wit dat! All us guys goin do wat us like do! All us guys hard head an no mo one good heart, an we goin stay lidat!’ ”

Jeremiah 18:15

But my peopo, dey not like da watta from da mountains! Dey no give a rip bout me. Dey burn incense fo da idol kine gods dat no can do notting. No matta da idol kine gods make my peopo Fall down from da good roads dat stay from long time. Da idol kine gods make dem go walk on top Da small kine trails dat nobody build um good.

Jeremiah 2:25

Same ting, you Israel peopo, No need run till yoa slippas broke, An yoa throat come dry. But you guys tell, ‘No try bring us back from how we stay! Us love da gods from da odda peopos! Us gotta stay tight wit dem!’

Jeremiah 22:21

“Dat time eryting stay okay fo you, I wen tell you watch out! But you tell, ‘I no goin lissen you!’ Az how you ack from small kid time. You neva lissen me!

Jeremiah 31:21

“You Israel peopo, Jalike you da daughtah dat I love! Pile up rocks Fo show da way fo go back home! Put up signs nea da road So da peopo goin know wea fo go. Tink bout da main road dat you wen take Wen you wen come prisonas! You Israel peopo, go back yoa towns.

Jeremiah 42:3

We like fo yoa God, Da One In Charge, tell us wea us guys gotta go, an wat kine stuff we gotta do.”

Jeremiah 44:16

“No ways! We no goin lissen wat you tell us guys, no matta you tell us you stay talk fo Da One In Charge!

Jeremiah 50:5

Dey goin aks how fo go Mount Zion. An dey goin go dea. Dey goin go fo make one deal Fo come tight wit Da One In Charge. Dey no goin broke dis deal eva, An dey no goin foget um.

Jeremiah 7:23

Dis da main ting I wen tell um: ‘Lissen wat I tell you fo do, an do um! Den I goin come da God fo you guys, an you goin come my peopo. Live da way I tell you guys you gotta live! Den eryting goin go good fo you guys.’

Jeremiah 7:24

“But my peopo, dey no lissen, o tink bout wat I tell. Dey hard head, an dey do wat dea bad heart like do. Dey suppose to go one way, an dey go da odda way,

Jeremiah 7:3

Dis da message from Da One In Charge, da God Ova All Da Armies, da God Fo Da Israel Peopo: Change da way you live an how you ack! Den I goin let you guys stay live dis place.

Malakai 4:4

“No foget da Rules from my worka guy Moses. I wen teach him wat he gotta do, Mount Sinai side, Fo him teach all da Israel peopo da Rules Fo know wass right an wass wrong.

Luke 16:29

“Abraham tell, ‘Yoa braddahs get da Rules From Moses, an da tings da odda guys dat talk fo God write down inside da Bible befo time. Yoa braddahs can hear wat dey tell.’

John 12:35

Jesus tell dem, “Me, I jalike da light fo you guys. Ony short time mo da light goin stay hea wit you guys. Live da right way now wen get light still yet, cuz no good da dark pio da light you get inside you. Whoeva walk aroun inside da dark, dey donno wea dey going.

John 13:17

You guys know all dis stuffs. So, if you guys do um, you guys goin stay good inside.

John 5:39

You guys go check out da Bible erytime, cuz you guys figga you goin find da real kine life dat goin stay to da max foeva, inside da Bible from befo time. But wen da Bible talk bout how fo get da real kine life, dass me he stay talk bout.

Jesus Guys 17:11

Da Berea peopo, dey mo betta den da Tessalonika peopo, cuz dey trus da Good Stuff Bout Jesus. Ery day dey study real good wat da Bible tell from befo time fo find out if wat Paul tell az true.

Rome 4:12

Same ting fo da Jew guys dat get da cut skin mark too, Abraham stay jalike dea faddah. But not ony cuz dey get da cut skin mark, but cuz dey trus Christ jalike Abraham trus God befo he get da cut skin mark.

Rules Secon Time 32:7

Tink bout da time long time befo time. Tink bout all yoa ancesta guys dat wen stay alive befo time. Go aks yoa faddah fo tell you wat wen happen. Go aks da older peopo fo tell you too.

Colosse 2:6

Jalike how you guys wen make Jesus Christ Da One In Charge a you guys, make shua you guys stay tight wit him erytime.

Hebrews 11:2

Da peopo from befo time, wen dey wen trus God no matta dey no see um, God give um one good rep.

Hebrews 6:12

We no like you guys ack jalike you guys no like do notting. Mo betta you guys make jalike da peopo dat bumbye goin get all da stuffs God wen promise his kids, cuz dey trus God an stay hang in dea.

Local Leadas 2:17

But still yet dey no lissen dea local leada guys. Dey fool aroun wit da odda gods, an go down in front dem. Dey no make jalike dea faddahs, but real fas dey tell “Laytas” to da way dea faddahs wen live, cuz dea faddahs wen lissen wat Da One In Charge tell um fo do.