Jeremiah 51:56 - Hawaii Pidgin Bible

⁵⁶ Wen da army guys go attack Babylon town fo wipe um out, Dey goin make da Babylon army guys dea prisonas, An broke dea bows an arrows. Cuz fo shua, dass da kine God me, Da One In Charge. I goin pay dem back fo eryting dey wen do.

Jeremiah 51:56 ပူးပေါင်းရင်းမြစ်များ

Start 49:24

But Joseph guys, dea bow neva lose fight An dea arm stay strong fo move quick. Az cuz me Jacob, I pray to da Strong God. Az why he make Joseph guys come strong too. God jalike da Sheep Guy dat take kea me, Jalike he da Big Rock dat stay help me, Israel.

Songs 137:8

You Babylon peopo, Garans you goin come all bus up. If somebody punish you Fo wat you wen make to us guys, Us like God make dem Stay good inside!

Songs 37:15

But dose bad guys, God goin make Dea sword go thru dea heart! God goin broke dea bows an arrows!

Songs 46:9

An all ova da world, He make peopo pau fight So dat no mo war. He broke dea bows fo shoot arrow, An broke dea spears too, An burn up dea shields wit fire.

Songs 76:3

He broke da fire arrows Dat come from da bow. He broke shields an swords An all da odda kine army stuff. (Time out fo da music.)

Isaiah 21:2

God wen show me stuff Dat make me come real bum out jalike one bad dream: “Jalike da guy dat like set up his braddahs, He goin do um. Da guy dat like bus up eryting, He goin bus um up. Da Babylon guys goin make plenny peopo suffa an moan, But I goin make da Babylon guys stop all dat! You Elam army guys, go afta Babylon town! You Media army guys, make camp all aroun Babylon too, Fo nobody go inside dea o come outside!”

Isaiah 34:8

All dat goin happen Cuz Da One In Charge get one time Dat he goin pay back da Edom peopo. He goin do um ova an ova fo one year. Cuz he goin make shua Da odda nations no goin take away da right Fo his peopo live inside Jerusalem town.

Isaiah 35:4

Tell da peopo dat feel sked, “Come strong! An no sked! Fo shua, yoa God goin show up Wen da time come fo pay back Da ones dat stay agains him! He da One goin come, An get you guys outa trouble!”

Isaiah 59:18

He goin pay um back Same same jalike dey wen do: I like bad tings happen to da guys dat hate him, An pay back da guys dat stay agains him, Even da peopo on top da far islans!

Jeremiah 49:35

Dis wat Da One In Charge, da God Ova All Da Armies, tell: “You know wat I goin do?! I goin make da Elam peopo so dey no can fight! Jalike I goin broke dea bows an arrows, Az da main ting dat make um strong.

Jeremiah 50:10

Az how da army guys goin clean out Eryting inside da Babylon land. Dey goin rip off eryting dey like from ova dea.” Az wat Da One In Charge tell.

Jeremiah 50:36

Goin get war Agains da guys dat bulai An tell, dey can find out stuff from dea gods. Dey goin ack stupid cuz dey donno Da One In Charge! Goin get war Agains dea bestes army guys. All dose guys goin come real sked.

Jeremiah 51:24

Da One In Charge tell: “You goin see wat goin happen wen I pay back da Babylon peopo an erybody dat live ova dea fo all da bad kine stuff dey wen do inside Jerusalem town. An I goin do dat in front you Judah guys.”

Jeremiah 51:30

Da Babylon army guys, Dey no fight no moa. Dey stay inside dea strong wall. Dea powa all dry up. Dey come jalike wahines. Dea houses all burn down an dea town gates all broke.

Jeremiah 51:48

Den, da sky, da earth, an erybody inside um, Goin cheer plenny, Cuz dey stay good inside fo wat happen Babylon side. Cuz from da north side, Army guys goin attack Babylon.” Az wat Da One In Charge tell.

Jeremiah 51:53

No matta da Babylon peopo like climb up to da sky, An make dea town wall real high Fo nobody climb ova um, Goin get guys dat come from me Dat goin wipe out Babylon town.” Az wat Da One In Charge tell.

Jeremiah 51:6

“Run! Get outa Babylon! Run fo stay alive, all you guys! No good you guys come wipe out Cuz a da bad kine stuff da Babylon guys stay do! Cuz az time awready fo Da One In Charge pay dem back Fo wat dey wen do.

Sad Song 3:64

Da One In Charge, pay dem back wat dey wen earn, Jalike how dey wen make me suffa!

Ezekiel 39:3

Den I goin wack yoa bow outa yoa lef hand, an make yoa arrows fall down outa yoa right hand.

Ezekiel 39:9

“Den da peopo dat live inside da Israel towns goin go out an burn da stuffs dat da Gog guys wen use fo fight, da small an big shields, da bows an arrows, da war clubs, an da spears fo throw. Goin get enuff stuff fo burn fo da Israel peopo seven year.

Amos 2:15

Da guy dat shoot arrow, He no goin stay standing. Da guy dat run fas, He no goin get outa dea. Da guy dat ride horse, He no goin stay alive.

Obadiah 1:15

“Da time stay nea Fo me Da One In Charge take ova all da nations! Jalike you guys wen do to da Israel peopo, I goin do da same ting to you Edom guys!

Habakkuk 2:8

Cuz you guys wen rip off plenny nations, All da peopos dat still stay alive goin rip off you guys. Az cuz you guys wen make peopo bleed an mahke. An wen wipe out lands an towns an erybody inside um.

Rules Secon Time 32:35

Wen dat time come, I da One goin afta da peopo fo pay um back fo da bad tings dey do. Wen da right time come, jalike dea feets goin slip. Da time fo wipe dem out Stay come pretty soon. An dey goin mahke real fas.”

2 Tessalonika 1:6

God goin do da right ting, you know. Da peopo dat make you guys suffa now, God goin make dem suffa bumbye.

Jesus Show 17:16

Da ten horn you wen see, dey da sign fo ten kings. Togedda wit da Wild Animal, dey goin hate da hoa. Dey goin take away eryting she get, an leave her wit notting, not even clotheses. Dey goin eat her up an burn up da res a her body wit fire.

Jesus Show 18:20

Den I hear dis: “Eh! All you peopo dat stay wit God inside da sky, Stay good inside bout wat wen happen! God spesho peopo, an da guys dat God wen sen all ova, An da guys dat talk fo God, Stay good inside! Da Babylon peopo wen make any kine to you guys, But God wen come fo judge dem!”

Jesus Show 19:2

God, he da Judge. He ony tell da trut, An do wass right! He wen punish da big hoa Cuz she wen make da peopo inside da world Do real bad kine stuff, jalike her. He wen punish her Cuz she wen kill da peopo dat work fo God.”

1 Samuel 2:4

“Da muscle men army guys get bow an arrow, But dey stay broke awready! Oua guys, stay all bum out An no can even stan up good, But now dey goin come real strong!