Jeremiah 51:55 - Hawaii Pidgin Bible

⁵⁵ Da One In Charge stay ready fo wipe out Babylon town. He goin make all da big noise from dea come quiet. Da army guys dat goin attack Babylon town Goin poun um jalike wild waves. Goin soun jalike monsta surf.

Jeremiah 51:55 ပူးပေါင်းရင်းမြစ်များ

Songs 124:2

Dey tell, “Eh, If Da One In Charge Neva stay oua side, Dat time odda peopo wen attack us,

Songs 124:4

Jalike if da big watta Wen carry us guys away, An jalike if da flash flood Wen get rid a us,

Songs 18:4

Was jalike peopo tie me up fo kill me. Jalike da flood come all ova me An litto mo wipe me out.

Songs 65:7

You make da oceans come quiet, You make da surfs so no can hear um. Same ting fo all da noise Da diffren peopos make!

Songs 69:2

Jalike I go deep down inside da mud An no mo place Fo me stan up down dea! Jalike I stay inside one stream Full a watta An da watta go up An cova my head!

Isaiah 15:1

Me Isaiah, I get heavy kine stuff fo tell bout wat I see goin happen to da Moab peopo: Ony one nite, Ar town goin come wipe out! Dass how da Moab land goin come all bus up. Ony one nite, Kir town goin come wipe out too! Dass how da Moab land goin come all bus up.

Isaiah 17:13

All da army guys from diffren countries make big noise, Jalike da big watta stay running. But God tell um, “No do dat!” An dey run away one far place, Jalike da junk kine stuff from da wheat An jalike da dry weeds in front one storm Dat blow in da wind in da hills.

Isaiah 47:5

Da One In Charge, he tell da Babylon peopo: “Sit down an no talk! Sit inside da dark place. Nobody goin tell you guys no moa Dat yoa town jalike da queen Ova all da kings an da peopos.

Jeremiah 25:10

I goin make shua dat no mo nobody from Jerusalem goin stay good inside o like make party. Even da bride an groom no goin say notting. No goin get noise from da stones dat make da wheat flour, an no goin get light from da olive oil lamps.

Jeremiah 51:42

Jalike da ocean goin come up ova Babylon. An da big waves goin come in loud an cova up da place.

Ezekiel 26:3

Az why me, Da One In Charge, da Boss, tell dis: “You Tyre peopo, I stay agains you guys. I goin bring plenny odda peopos agains you guys, jalike da big waves from da ocean poun you guys ova an ova.

Luke 21:25

“Goin get awesome stuff fo see up inside da sky, wit da sun, da moon, an da stars. All ova da world, da peopos from inside da diffren countries goin suffa plenny. Dey goin come all bum out, jalike peopo feel wen da ocean poun loud an da waves come real high.

Jesus Show 17:15

Den da angel messenja guy tell me, “Da big ocean you wen see, wea da hoa get her throne, dass peopos, nations, countries, an languages.