Jeremiah 51:50 - Hawaii Pidgin Bible

⁵⁰ You guys dat wen run away from da army guys wit swords, Get outa hea! No jus stan dea! No foget Da One In Charge even wen you stay one far place, An tink plenny bout Jerusalem town!”

Jeremiah 51:50 ပူးပေါင်းရင်းမြစ်များ

Songs 122:6

Tell God fo make eryting go good Fo da Jerusalem peopo. Tell dem, “I like fo da one Dat get love an aloha fo you guys Live so no mo worries.

Isaiah 48:20

“Get outa Babylon town! Run away from da Babylon guys! Make big noise an dance an sing Cuz you stay feel good inside! Make da peopo hear dis All da way to da mos far place on top da earth! Tell dis: ‘Da One In Charge pay da price awready Fo get his worka guys, da Jacob ohana, outa trouble.’

Isaiah 51:11

“Dis time, same ting! Fo get da peopo outa trouble, Da One In Charge goin pay da price. Dey goin come back Mount Zion side Inside Jerusalem town, Dey goin yell plenny cuz dey feel real good. Jalike dey stay wear one haku lei on top dea head Fo show dey like dance an sing all da time. Dey stay feel good inside An dance an sing wen dey stay coming. Dey no goin feel sore inside, An no goin moan no moa.”

Isaiah 52:2

Shake off da dirt from wea you sit. Get up, you Jerusalem peopo! Sit down jalike kings on top yoa thrones. Hemo da slave band aroun yoa neck You guys was prisonas befo time, but not now!

Jeremiah 31:21

“You Israel peopo, Jalike you da daughtah dat I love! Pile up rocks Fo show da way fo go back home! Put up signs nea da road So da peopo goin know wea fo go. Tink bout da main road dat you wen take Wen you wen come prisonas! You Israel peopo, go back yoa towns.

Jeremiah 44:28

But if get anybody dat no mahke cuz a da war, an dey get away an go back inside da Judah land from Egypt, ony goin be litto bit peopo. Den all da Judah peopo dat wen come fo live Egypt side goin know fo shua who stay tell da trut, me o dem.’ ”

Jeremiah 50:8

“Dig out from Babylon! Get out from dea land! Jalike da goats dat run outa da pen Befo da sheeps can come outside.

Jeremiah 51:45

“Eh, my peopo! Get outa Babylon! Run away fo stay alive! Run, cuz Da One In Charge stay real huhu!

Jeremiah 51:6

“Run! Get outa Babylon! Run fo stay alive, all you guys! No good you guys come wipe out Cuz a da bad kine stuff da Babylon guys stay do! Cuz az time awready fo Da One In Charge pay dem back Fo wat dey wen do.

Ezekiel 6:9

Den inside da nations wea da army guys wen bring dem, an wea dey stay prisonas, dey goin tink bout me. Dey no goin foget how I was sore inside wen dey wen fool aroun an go away from me. An dey no goin foget how dey wen turn to da idol kine gods an like stay tight wit dem. An den dey goin hate how dey stay cuz a all da bad kine stuff dey wen do an cuz dey wen ack pilau kine.

Daniel 6:11

Den dose guys dat stay agains Daniel go his house all togedda an see him pray an aks God fo help him.

Jesus Show 18:4

Den I hear anodda voice from da sky. God tell, “Eh, my peopo, get outa dea! So you guys no goin do Da bad kine stuff da peopo inside Babylon do! An you no goin get all da big troubles dat town goin get.