Jeremiah 51:47 - Hawaii Pidgin Bible

⁴⁷ Cuz fo shua, da time goin come Wen I goin punish da idol kine gods Babylon side. Peopo all ova da Babylon land goin come shame, An peopo inside Babylon town goin fall down an mahke.

Jeremiah 51:47 ပူးပေါင်းရင်းမြစ်များ

Isaiah 21:9

An now, look! One guy inside one war wagon stay come, Get two horse stay pull um.” Den somebody tell, “Babylon town stay all bus up! All da idol kine gods fo Babylon, Stay all smash an all on top da groun!”

Jeremiah 11:22

So dis wat Da One In Charge, Da God Ova All Da Armies, tell: “Me, I goin punish dem guys! Army guys wit swords goin kill dea young guys. Dea boys an girls goin mahke cuz dey no mo food.

Jeremiah 13:21

You guys wen work hard Fo make da Babylon peopo tink You guys dea frenz. So den! How you guys goin handle bumbye Wen Da One In Charge put dem in charge a you guys?! You guys goin come real sore, Jalike one wahine ready fo born one bebe!

Jeremiah 23:34

If one guy dat tell he talk fo God, o one pries guy, o some odda guy tell, ‘Dis one spesho message from Da One In Charge,’ I goin punish dat guy an his ohana.

Jeremiah 25:12

An Da One In Charge tell: “But wen da seventy year pau, I goin punish da Babylon king an his peopo an wipe out dea land, cuz dey get da blame fo da bad kine stuff dey wen do. An I goin wipe out dea land foeva, an dis goin make peopo come shock foeva.

Jeremiah 50:2

“All you guys, tell dis to all da peopos! Make shua dey hear um! Put up one flag fo dem lissen! Make shua dey hear da message! No hold back notting, but tell um dis: ‘Anodda army goin take ova Babylon town! Da Babylon god Bel goin come shame! Dey call um Marduk too, an he goin come real sked. Dea odda idol kine gods goin come shame too. Da horraz kine idol gods dey pray to goin come real sked.

Jeremiah 51:18

Da idol kine gods, no worth notting! Peopo make fun a dem. God da Judge goin wipe um out.

Jeremiah 51:24

Da One In Charge tell: “You goin see wat goin happen wen I pay back da Babylon peopo an erybody dat live ova dea fo all da bad kine stuff dey wen do inside Jerusalem town. An I goin do dat in front you Judah guys.”

Jeremiah 51:43

Da small towns aroun Babylon goin come wasted, All dry up jalike da boonies, Wea nobody live, An nobody go thru dea.

Jeremiah 51:52

Dis wat Da One In Charge tell: “But da time goin come Wen I goin punish dea idol kine gods Dat da Babylon peopo stay pray to. All ova dea land, Da ones dat almos mahke goin cry an moan.