Jeremiah 51:45 - Hawaii Pidgin Bible

⁴⁵ “Eh, my peopo! Get outa Babylon! Run away fo stay alive! Run, cuz Da One In Charge stay real huhu!

Jeremiah 51:45 ပူးပေါင်းရင်းမြစ်များ

Isaiah 48:20

“Get outa Babylon town! Run away from da Babylon guys! Make big noise an dance an sing Cuz you stay feel good inside! Make da peopo hear dis All da way to da mos far place on top da earth! Tell dis: ‘Da One In Charge pay da price awready Fo get his worka guys, da Jacob ohana, outa trouble.’

Jeremiah 50:28

Lissen! Dat noise you hear, Dass da guys dat stay run away from da Babylon land! Dey like tell da peopo Jerusalem side How oua God, dass Da One In Charge a us, stay pay back da Babylon guys awready Cuz dey wen bus up his Temple.

Jeremiah 50:8

“Dig out from Babylon! Get out from dea land! Jalike da goats dat run outa da pen Befo da sheeps can come outside.

Jeremiah 51:50

You guys dat wen run away from da army guys wit swords, Get outa hea! No jus stan dea! No foget Da One In Charge even wen you stay one far place, An tink plenny bout Jerusalem town!”

Jeremiah 51:6

“Run! Get outa Babylon! Run fo stay alive, all you guys! No good you guys come wipe out Cuz a da bad kine stuff da Babylon guys stay do! Cuz az time awready fo Da One In Charge pay dem back Fo wat dey wen do.

Jeremiah 51:9

“Da peopo from anodda place dat live Babylon side tell, ‘We wen try fo make da Babylon peopo come good. But dey no can come good. Mo betta us bag from Babylon An go back oua land. Cuz wen God punish da Babylon peopo, He goin do um big time, Jalike he pile um up all da way to da sky, To da top a da clouds!’

Zekariah 2:7

“Run, my Zion peopo! You guys dat live inside Babylon, get outa dea!”

Census 16:26

He tell all da peopo, “Move away from da tents wea dese real bad guys live! No touch notting a dea stuff dat dey own! No good Da One In Charge wipe out you guys too, cuz a all da bad kine stuff dey wen do.”

Jesus Guys 2:40

Peter tell dem plenny mo stuff, an beg um, “Let God take you outa da bad kine stuff dat da odda peopo stay do now.”

2 Corint 6:17

Az why Da One In Charge tell dis inside da Bible, “Dass why you gotta get out from dem An no be jalike dem. Stay away from da tings dat make um fo you no pray. Den I goin bring you inside my ohana.

Jesus Show 18:4

Den I hear anodda voice from da sky. God tell, “Eh, my peopo, get outa dea! So you guys no goin do Da bad kine stuff da peopo inside Babylon do! An you no goin get all da big troubles dat town goin get.