Jeremiah 51:43 - Hawaii Pidgin Bible

⁴³ Da small towns aroun Babylon goin come wasted, All dry up jalike da boonies, Wea nobody live, An nobody go thru dea.

Jeremiah 51:43 ပူးပေါင်းရင်းမြစ်များ

Songs 46:8

Go come see da kine tings Da One In Charge stay do! He do awesome an unreal tings Fo wipe out plenny place All ova da world,

Isaiah 13:20

Peopo no goin live ova dea no moa. Not even dea kids o grankids goin make house dea. No mo no guys from Arabia goin come dea Fo put up dea tent no moa. No mo no sheep guys goin bring dea sheeps Fo res ova dea no moa.

Isaiah 34:13

Dea palaces goin get thorn bush grow all ova da place. An dea towns dat get strong wall goin get stickas an kukus all ova. Da wild jackal dogs goin stay an eat dea, An goin be da place fo da owl birds.

Isaiah 47:11

“Real bad stuff goin happen To you Babylon guys bumbye, But you no even goin know Wat kine magic goin stop um. Da trouble goin wack you guys big time, But even if you pay money, dat no goin change notting. Goin come jalike one big storm, An you no goin even know befo time.

Jeremiah 18:16

Odda peopo goin bus up dea land. Odda peopo goin come shock erytime dey see um. Erybody dat go by dea goin come bum out. Dey goin shake dea heads cuz all bus up da land.

Jeremiah 2:6

Dey neva even tink fo aks, ‘Wea Da One In Charge stay, Da One dat wen bring us guys hea outa Egypt? He da One wen bring us guys thru da boonies Wea up country eryting dry, An get plenny gulch wea no mo watta, An get real dark kine place wea can mahke. Wea no mo nobody go thru dea, An no mo nobody live ova dea.’

Jeremiah 50:12

Az why you Babylon guys, Da town dass jalike da muddah fo you guys. Goin come plenny shame. Da place wea you wen born goin come plenny shame. All da odda countries goin come mo importan den Babylon. No mo nobody goin live dea, Cuz too dry an notting grow dea.

Jeremiah 51:29

Da land shake an move jalike stay hurt, Cuz Da One In Charge know wat he like do, An fo shua he goin do um! He goin wase da Babylon land, So dat no mo nobody goin live ova dea.

Jeremiah 51:37

Babylon goin come one big pile a rocks from da ol buildings, One place wea da jackal kine wild dogs can hide. I goin bus up dis big town so no get notting dea, An peopo goin come shock wen dey see Babylon. An no mo nobody goin live ova dea.

Jeremiah 51:62

Den tell, ‘Da One In Charge, you da One wen tell dat you goin wipe out dis place! Da peopo an da animals no goin live hea no moa! Ova hea goin stay all wipe out foeva!’