Jeremiah 51:42 - Hawaii Pidgin Bible

⁴² Jalike da ocean goin come up ova Babylon. An da big waves goin come in loud an cova up da place.

Jeremiah 51:42 ပူးပေါင်းရင်းမြစ်များ

Songs 18:16

From up dea, jalike Da One In Charge put down his hand An pull me up outa da deep ocean. He get me outa trouble.

Songs 18:4

Was jalike peopo tie me up fo kill me. Jalike da flood come all ova me An litto mo wipe me out.

Songs 42:7

I feel jalike I stay Inside da real deep place Inside da middo a da ocean. Da watta make big noise, Soun jalike all da wattafalls You wen make. Da watta come all aroun me. Jalike all da big waves Dat you sen on top me.

Songs 65:7

You make da oceans come quiet, You make da surfs so no can hear um. Same ting fo all da noise Da diffren peopos make!

Songs 93:3

You Da One In Charge! Da ocean make plenny noise! Da ocean stay poun plenny!

Isaiah 21:1

Get heavy kine stuff fo tell too, bout wat goin happen to da Babylon land, Da Boonies By Da Sea: “One army go come agains Babylon, From one land wea da peopo real tough An erybody stay sked a dem! Dey goin go quick thru da Babylon land, Jalike da kine big storm wind dat blow hard Outa da boonies an go thru da south part a Judah.”

Jeremiah 51:55

Da One In Charge stay ready fo wipe out Babylon town. He goin make all da big noise from dea come quiet. Da army guys dat goin attack Babylon town Goin poun um jalike wild waves. Goin soun jalike monsta surf.

Ezekiel 26:3

Az why me, Da One In Charge, da Boss, tell dis: “You Tyre peopo, I stay agains you guys. I goin bring plenny odda peopos agains you guys, jalike da big waves from da ocean poun you guys ova an ova.

Daniel 11:10

Da Syria king boys goin make ready fo make war, an put togedda one big army dat know how fo fight good. Dey goin attack da king fo da south, jalike one big flood dat nobody can stop. Dey goin fight all da way to da main place dat get strong wall wea da Egypt king stay.

Daniel 7:2

Daniel tell: “Nite time, inside my dream, I see da ocean come real rough cuz get da winds from four side make da ocean all rough.

Daniel 9:26

“Afta da sixty-two times seven year, somebody goin kill da one dat God wen pick. He no goin get nobody his side. Goin get one leada dat goin come wit his army. Dey goin wipe out Jerusalem town an da Temple dat stay spesho fo God. Den da end goin come quick, jalike wen one flood come. Goin get war till da end, an erybody goin bag an eryting goin come wipe out.

Luke 21:25

“Goin get awesome stuff fo see up inside da sky, wit da sun, da moon, an da stars. All ova da world, da peopos from inside da diffren countries goin suffa plenny. Dey goin come all bum out, jalike peopo feel wen da ocean poun loud an da waves come real high.