Jeremiah 51:33 - Hawaii Pidgin Bible

³³ Dis one message from Da One In Charge, da God Ova All Da Armies, da God fo da Israel peopo. He tell: “Babylon town an da peopo dat live dea Goin come jalike one flat place Wea peopo clean da groun Fo take da junk kine stuffs outa da wheat. Wen da flat place all clean up, Den da harves time almos ready fo come.”

Jeremiah 51:33 ပူးပေါင်းရင်းမြစ်များ

Isaiah 18:5

Jalike befo dey harves da food, Wen no mo flowa awready An da grape start fo come ripe litto bit, God goin cut off da small branch dat no mo grape Jalike he use da pruning shear, Den he throw um away,

Isaiah 21:10

God tell, “Bummahs! My Israel peopo, You pooa guys stay all bus up, Jalike wen dey smash da wheat on top da groun Fo take out da junk kine stuffs.” Dass wat I wen hear from Da One In Charge, Da God Ova All Da Armies, Da God fo da Israel peopo. He wen tell me all dat fo help you guys.

Isaiah 47:1

Go sit down on top da dirt, You Babylon town peopo! You Babylon guys was jalike One beautiful young princess. But now, you gotta go sit down on top da groun, Cuz now you no mo throne an no mo king. Az why nobody goin tink you make nice to peopo An you no need work.

Jeremiah 51:32

Dey take ova da places wea peopo walk ova Da odda side a da riva! Dey even burn da swamp! Dass why da Babylon army guys come real sked!’ ”

Hosea 6:11

“An fo you Judah peopo too, I wen pick one day awready fo punish you guys. Az goin be jalike wen da harves time come An you gotta pay fo da bad kine tings you stay do! Dass da time I wen like bring back my peopo From wea dey was prisonas,

Joel 3:13

Swing da sickle cuz da food stay ready fo harves. Go come an step da grapes fo press out da juice, Cuz da place stay full a grapes, An da wine barrels stay full. Dey stay full wit all da bad kine stuff da peopos stay do.”

Amos 1:3

You betta lissen! Dis wat Da One In Charge tell: “Ova an ova, da Damascus peopo wen go agains me. Az why no way I goin let um go an no punish dem! Da buggahs wen trash da Gilead peopo, Jalike dey wen go drag one heavy board wit plenny spikes ova dea bodies.

Micah 4:12

But da Jerusalem guys donno wat Da One In Charge plan fo do. Dey no can tink why he bring dem ova dea fo punish dem, Goin be jalike wen da farma guys harves da wheat An bring um one place Fo go drag one heavy board wit plenny spikes ova dem Fo clean out da junks from da wheat.

Micah 4:13

Da One In Charge tell: “You guys my Jerusalem peopo, Get up an go drag da heavy board wit plenny spike Fo clean da junks from my peopo, Jalike dey wheat fo clean! Cuz I goin make you guys strong Jalike one bull dat get iron horns an bronze feets. You goin bus up plenny peopos! You goin give all dea rich kine stuffs to Da One In Charge, Jalike da stuffs az one sacrifice fo him. Da stuff dey get wen dey bus up odda peopos, Goin be fo Da One In Charge, Da Boss fo all da peopos inside da world!”

Habakkuk 3:12

You stay huhu, an you walk thru da earth. You huhu, an you make to da nations Jalike wen peopo wack da wheat Fo split um from da junk kine stuff.

Matthew 13:30

Let um grow togedda till dey stay ready. Den pull out da weeds firs, an tie um togedda fo burn. Den harves da wheat, an put um inside da storage place.’ ”

Matthew 13:39

Da guy dat stay agains da farma an plant da bad seed, dass da Devil. Wen da plants stay ready, dass da time wen da world goin come pau. Da worka guys, dey da angel guys from da sky.