Jeremiah 51:29 - Hawaii Pidgin Bible

²⁹ Da land shake an move jalike stay hurt, Cuz Da One In Charge know wat he like do, An fo shua he goin do um! He goin wase da Babylon land, So dat no mo nobody goin live ova dea.

Jeremiah 51:29 ပူးပေါင်းရင်းမြစ်များ

Isaiah 14:16

Da peopo dat see you guys, Dey goin eye you up. Dey goin tink plenny, an tell, “Dis da guy dat wen shake da whole world, An make peopo in all da countries stay sked an shaking?!

Isaiah 24:20

Da earth move dis way an dat way Jalike one guy dat drink plenny An jalike one shack ready fo fall down. Da peopo all ova da world stay go agains God, Dass someting real bad fo dem Dat make um fall down, An dey no can get up no moa.

Jeremiah 10:10

But Da One In Charge, he da ony god dass fo real. He da God dat stay alive an stay da king foeva. Wen he come huhu, da earth shake. Da diffren peopos no can handle Wen he no like wat dey do.

Jeremiah 50:13

Cuz Da One In Charge tell ‘Laytas’ to wat da Babylon peopo stay do, No mo nobody goin live ova dea. Erybody dat pass by Babylon goin make big noise So da bad kine spirits no come nea, Cuz da town stay all bus up.

Jeremiah 50:36

Goin get war Agains da guys dat bulai An tell, dey can find out stuff from dea gods. Dey goin ack stupid cuz dey donno Da One In Charge! Goin get war Agains dea bestes army guys. All dose guys goin come real sked.

Jeremiah 50:43

Da Babylon king stay hear bout dis, An he lose fight. He no can handle! He real sore, jalike one wahine dat ready fo born one bebe.

Jeremiah 50:45

So lissen up, wat Da One In Charge make plan fo do Agains da Babylon peopo, An agains dea land: Jalike somebody goin drag away da young sheeps, An Da One In Charge goin wipe out all dea land dat get good grass.

Jeremiah 50:46

Wen da odda armies take ova Babylon town, Da noise goin make da earth shake. Da Babylon peopo goin yell loud fo help. An all da diffren peopos goin hear dat.

Jeremiah 51:26

Nobody goin even take one stone block from yoa town Fo make one corna block. An nobody goin even take one stone block from yoa town Fo make one foundation. Cuz yoa town goin stay all wipe out foeva!” Az wat Da One In Charge tell.

Jeremiah 51:28

Make da peopos ready fo fight Babylon. Da Mede kings, Dea govnas an leada guys, An all da peopos wea dey stay in charge.

Jeremiah 51:37

Babylon goin come one big pile a rocks from da ol buildings, One place wea da jackal kine wild dogs can hide. I goin bus up dis big town so no get notting dea, An peopo goin come shock wen dey see Babylon. An no mo nobody goin live ova dea.

Jeremiah 51:43

Da small towns aroun Babylon goin come wasted, All dry up jalike da boonies, Wea nobody live, An nobody go thru dea.

Jeremiah 8:16

From da Dan ohana land north side We hear da noise From da horses dat da army guys use dat stay agains us! Wen dea strong horses make noise, All da Judah peopo stay shake an come sked. Da army guys stay come Jalike dey goin eat up da land an eryting inside um, An Jerusalem town an all da peopo dat stay live dea.”

Joel 2:10

Da earth shake in front um. Da sky shake too. Da sun an da moon come dark. Da stars no shine no moa.

Amos 8:8

So, wat? You tink da groun goin shake Cuz a all dat bad kine stuff? Fo shua, goin shake! You tink erybody dat live inside dat land Goin cry plenny? Fo shua, dey goin cry plenny. Da whole land goin move up an shake An den move back down Jalike da Nile Riva, Egypt side.”

Jesus Show 18:2

Da angel tell wit one loud voice, “Babylon wen get wipe out! Dat big town pau awready! Now inside dea ony get bad kine spirits, An all kine pilau scavenja birds stay hide dea too!